班聚得知舊同學職位勁人工高 月薪16K港男自卑：成餐飯強顏歡笑
畢業多年與舊同學再見面，敘舊之餘難免會比較彼此的發展。有網民於連登討論區發文，指日前與中學同學聚會，席間談及各人的職業及現況，驚覺同學們畢業數年已找到職位及薪金皆不錯的工作，而且身家大增，住進高尚住宅。樓主反觀自己身為政府文書主任，月薪僅得16000元，不禁感到自卑，形容當晚「成餐飯強顏歡笑」，又考慮日後應否繼續出席同學聚會。
連登網民「回眸得啖笑」以「月薪16K是否應該退出同學聚會」為題發文，指早前與約10名中學同學食飯聚會，談到彼此畢業以來的發展及現況。他指自己與同學大學畢業約2年，言談間得知至少8人也任職月薪約3萬元的工作，生活水平更令人羨慕，「講資產佢哋已經贏晒，佢哋住啲樓起碼15M（意指1500萬）以上，真係贏在起跑線」。
樓主形容聚會期間氣氛愉快，「傾偈係開心，互相串下笑下，講下中學啲嘢」，但一直只能強顏歡笑。他指同學們也沒有刻意炫耀職級或收入，「佢哋唔係特登講，但係都會問下近況，跟住呢個又bank MT（銀行管理培訓生），嗰個又JRE officer（政府主任級職位），其他又係醫護，冇直接講人工，但係講做咩工都知個range（範圍）」。
回家後樓主反觀自己的情況，自言出身自「乞食科」，近日才成為政府的文書主任，月薪僅16000元，不禁感到自卑，「其實佢哋真係冇笑邊個搵得少，係我自己覺得有個差距，點解佢哋咁勁」。他直言正考慮日後放棄出席舊同學聚會，以避免出現類似的尷尬情況，「純粹係心諗咁耐冇見，去睇下跟住就哭咗。而家過咗一兩年已經係咁，到時30歲應該得返啲撈得掂嘅同學先會出現」。
帖文引來網民共鳴，紛紛安慰樓主毋須與人比較，「同學聚會咪又係吹水多，你都吹埋一份囉」、「好明白樓主，但樓主做到ACO算好，我知好多人都係做餐飲售貨員搵得仲少」、「身邊多勁人，就有股動力逼自己進步，所以你應該向佢哋取經，而唔係避開令自己沉淪喺自己嘅comfort zone」。