港男最愛食杯麵後倒湯食埋麵碎　女同事路過取笑：有冇咁乞兒呀？

生活上的小喜好，竟然成為被同事取笑的事情！最近有網民在討論區上分享，指自己吃杯麵後喜歡將剩湯倒走，再吃杯底的麵碎，但被看見到的同事取笑他「有冇咁乞兒呀」，甚至連上司看到都只冷笑一聲就離開。網民直言場面尷尬，在內心反問「我食麵碎關你啲港女咩事」。

下載「香港01」App ，即睇城中熱話

樓主在香港討論區上發文，指自己早上時分在辦公室內吃杯麵做早餐，「我個人喜歡食埋喺最底嘅麵碎，咁咪去茶水間倒晒啲湯佢，可以食埋啲麵碎」，但被較年輕的女同事發現他正在倒湯及食麵碎，於是說「你有冇咁乞衣呀？連啲麵碎都唔放過，唔夠飽食多個杯麵咪得，男人老狗唔好咁樣衰啦！」。事件發生之際，樓主上司剛好經過，「佢入嚟對我笑咗一笑無講任何嘢」，令樓主覺得尷尬之餘，亦在內心反罵「關你啲港女咩事」。

留言中不少人都認為樓主的小喜好沒有問題，「證明你慳家」、「唔緊要，成件事你冇做錯」、「佢唔環保都多管閒事」、「唔過分，個人喜好」、「不需要理會世俗人眼光」。不過亦有網民笑言，杯麵最重要的是味精湯，「飲埋佢呀嘛！倒咗佢做咩？飲晒佢一樣食到麵碎！」

（香港討論區）