港女搭巴士狂語音傳短訊　講足半個鐘　乘客斥：全架車都一齊聽

乘搭公共交通工具時應顧及其他乘客感受，有網民日前就發文，指乘坐巴士到屯門期間，1名女乘客由荃灣上車便一直以錄音回覆短訊，「講咗30分鐘」，聲量足以讓全層乘客聽見，樓主亦無奈表示「休息下啦，大家都攰㗎啦」。

下載「香港01」App，即睇城中熱話

該名網民在facebook群組「屯門公路塞車關注組」發文，表示日前乘坐巴士到屯門，其間1名女子在荃灣上車並坐在巴士上層，「妳由荃灣上車一路錄音覆WhatsApp message到屯門」，又指對方一直誤解手機喇叭位置，「你唔好好似啲阿伯咁樣將部機嘅底部放喺個耳仔度聽啦，咁樣全架車都一齊聽緊㗎」。

樓主崩潰指，涉事女乘客的聲音「又甜又響亮」，結果在巴士講足半小時，打擾其他人休息，即使樓主戴上耳機，隔絕部份外來嘈音，「忍受能力高咗」，但始終忍不住調位，笑言「人靚聲甜都要有品德」。

不少網民留言回覆帖文，「喺佢旁邊播破地獄」、「呢啲人衰過講電話」、「最憎人喺巴士傾電話發表偉論，好似特登畀全巴士聽到佢講咩」、「不過要傾成30分鐘又真係太耐啦，喺車就打字啦都係」，亦有人指許多手機的聽筒和底部都有喇叭，惟靠底部出聲等同開擴音，「仲要開晒聲聽，最憎呢啲人」。