榮華臘腸廣告劇情急轉彎變煲仔飯　網民：似足《麥兜故事》鬼故！

榮華日前推出新臘腸廣告，並以港產卡通「麥兜」為主角，廣告故事一直甜甜蜜蜜，講述他與女朋友的拍拖故事，但結局卻秒變成麥兜與伴侶一起成為一孖臘腸，令網民感到震驚。有網民笑言，其實廣告故事的劇情似足《麥兜故事》中麥太講給麥兜聽的睡前小故事，一樣無厘頭。

榮華臘腸廣告故事逐格睇▼▼▼

下載「香港01」App ，即睇城中熱話

榮華臘腸的新廣告描述麥兜離開畢業後工作多年的崗位，追尋更好的自己，結果在做花王的時候找到自己的真愛，與女友相戀。廣告中的麥兜與女友散步、浸溫泉、爬雪山，十分浪漫。詎料故事發展急轉直下，原本在雪山上牽手對望、猶如電影情節《無痛失戀》翻版的麥兜與女友，竟然突然變成電飯煲內的一孖臘腸，令人瘋狂聯想各種恐怖的情節。

有網民指看過廣告之後，想起過去《麥兜故事》過場時，麥太說給麥兜的無厘頭床邊故事，故事只有短短數句，主角更是落得「死咗」的下場。例如「從前有個小朋友講大話，有一日，佢死咗」、「從前有個小朋友佢好勤力讀書，佢長大，發咗」、「從前有個小朋友唔孝順，有一日，佢屈親個腳骹」。