九巴車廂設手機無線充電 有人批易致遺電話 網民：咁係個人問題
撰文：卓柏安
出版：更新：
提供更多設備給乘客使用竟然也可以是錯？近日有網民指，留意到九巴車廂已經增設手機無線充電板，但擔心會令大意的乘客更加容易遺漏手機。帖文引來熱烈回應，大多批評樓主不能將遺漏手機的責任指向九巴，而是乘客本人，更直言「漏咗個仔喺巴士都聽過，何況電話」。
樓主在facebook群組「屯門公路塞車關注組」發文及上載照片，指「九巴有進步是好事，但有些人大頭蝦，會否在落車容易留下電話？」，照片可見九巴在車廂座位旁邊新增了手機無線充電板，乘客可以把手機放在充電板上，讓手機以無線方式充電。充電板下方亦設有USB插頭，手機如果不支援無線充電，仍然可以使用USB線充電。
帖文引來熱烈回應，但壓倒性地認為樓主看法有問題，「有乜事一定係人哋問題」。網民表示，即使九巴沒有在車廂內裝設任何設施，乘客都可以遺漏各式各樣的東西，包括手袋銀包之類，所以責任不在九巴而是乘客，「呢樣應該唔係九巴嘅考慮，留返畀乘客自己諗啦」、「畀埋你用仲咁多要求，自己唔記得又要九巴負責？使唔使順豐埋畀你」、「咁呢個就唔關服務事啦，係個人問題」。
網民更以樓主帖文改寫抽水，「九巴座位有進步是好事，但有些人大頭蝦，會否在關門前唔記得落車？」、「九巴有進步是好事，但有啲人血液循環唔好，坐得耐起身會否腳痺？」。
（facebook群組「屯門公路塞車關注組」）
圓規風球丨九巴暫維持正常服務 出po疑抽天文台水：唔會彈出彈入九巴口罩推3色系9種新色！$48元30片達ASTM Level 3 10月中出貨網民分享坐巴士大便失禁經歷 九巴教人有三急「3大攻略」被讚爆油麻地公主大鬧巴士風波 九巴FB教落車2步驟 一句話被讚抽得靚九巴女子爆粗要求落車片段瘋傳 車長獲讚EQ高 網民：油麻地公主九巴開新線P960及P968 免費WiFi舒適座椅、USB充電 車資貴五成
同場加映：facebook日前熱傳1篇「坐巴士瀨屎」經歷，網民坐長途巴士時肚痛難耐下瀨屎，引起網民熱議。隨後九巴在fb專頁發文，介紹3種坐巴士下人有三急的攻略，教乘客除了意志力之外的「忍（屎）」技巧，包括提前搵廁所、分散注意力及大力捏虎口等，非常爆笑。【點擊下圖放大即睇內容 ▼ ▼ ▼】
+3
同場加映：巴士路線編號有規矩可尋！睇字頭知道行咩區 英文字代表路線性質【點擊下圖放大即睇內容 ▼ ▼ ▼】
+13
+13