一對孩子叫Latte同Mocha　網民預言升中會被同學取笑：唔係好事！

「唔怕生壞命，至怕改錯名」！最近有網民分享指，聽到有家長以咖啡名字為一對子女起名，令他覺得子女升學後會被同學取笑，「真係唔係1件好事」。有網民認同樓主，表示改名就應該正正經經，但有人反駁指類似改名方式並無不可。

下載「香港01」App ，即睇城中熱話

樓主在香港討論區上發文，批評「其實啲家長可唔可以唔好亂幫小朋友改英文名？」。他指自己早前陪表哥去接小朋友放學，其間聽到有家長大叫：「呢度呀！Latte！」看到1名小朋友跑過去之後才知道原來他的女兒叫做Latte。該名家長之後更問Latte：「Mocha呢？」原來他還有1個孩子也是以咖啡名起名。

樓主質疑，該名家長如果之後再有子女，「之後啲仔女可以叫 Cappuccino，再唔係可以叫 Americano，全家都係咖啡」。不過他認為，即使家長覺得這個命名方法得意，「但你改個咁嘅英文字，上到中學實被人笑，老師實記得你個細路，真係唔係一件好事」。

部份網民認為，樓主遇到的小朋友名「最多用作狗仔名，竟然有人幫小朋友改」、「而家啲英文名真係離譜」。不過亦有留言認為沒有問題，「只要個名冇落身份證，日日改個新嘅都得！」、「大咗之後啲仔女都係會自己改另一個名」。