港女被男友阿媽當外人刻意冷待 入屋坐低即罵：當呢度自己屋企啊
與伴侶的父母相處是一門高深學問，稍有差池或會影響印象，甚至是雙方關係。有港女於討論區發文，指中秋節到男友家食飯時，被對方媽媽視為外人刻意冷待，不但怪責她沒有主動幫忙，連坐在梳化上也被罵，甚至在眾人前直斥：「當呢度自己屋企啊？」當晚的經歷令她非常難受，不知日後如何面對男友的媽媽，甚至擔心影響與男友的關係。
該名港女於Dcard討論區發文，分享中秋節當日到男友家晚飯的不快經歷。她指當晚男友媽媽下廚，晚飯前便與親戚們一同「打機」等候，其中1名長輩見她一直站着，便友善地讓出部份梳化位置。沒想到男友媽媽看到便立即大喝：「企起身！做咩啊你𠵱家？當呢度自己屋企啊？外人坐返圓櫈！」
港女難受自白：
港女指當下「好hurt」，認為自己沒有做出失禮的行為，惟尊重起見仍即時站起，但男友媽媽仍繼續大罵：「嚟到我哋屋企都唔識主動幫手，一嚟就喺度玩，一啲貢獻都冇！」她續指，當晚男友媽媽無論在食飯或聊天期間也對她「眼超超」，而目擊一切的男友卻沒有任何反應，「第一個出嚟幫我嘅，竟然係讓梳化畀我嘅姨姨」。
當晚的經歷令她非常難過，直言不明白為何男友媽媽要刻意強調她是外人，「大好中秋節團團圓圓搞到咁，我都真係唔知可以點算」。她又指對方的難聽說話已深深印在她腦海中，擔心日後不懂如何面對對方，甚至影響到她與男友的關係，「咁小事佢媽媽都已經鬧得咁狠，真係唔知以後可以點相處落去」。
不少網民也對樓主的經歷感震驚，認為男友媽媽的說話非常過份，「呢家人好衰，戥你唔抵你又冇做錯。樓主你要記住你都係你屋企人嘅寶貝女，唔好咁委屈自己」、「一嚟地位就咁唔平等，你第日繼續行落去一定俾佢阿媽整到抑鬱」。
亦有不少網民指出，事件中最大責任的是看到一切仍毫無反應的樓主男友，「無論你有冇錯都好，你男朋友呢個時候仲唔出句聲，我真係建議你有咁快走咁快」、「當刻佢即時冇護航，任由自己親人去侮辱你，你喺佢心目中嘅地位可想而知，就算佢尊重屋企人，都唔可以攞你當作犧牲品」。
同場加映：港女曾任兼職畫室人體模特兒 未來奶奶斥為錢出賣身體棒打鴛鴦
事主與未來奶奶對話全記錄：
同場加映：男友多番推卻同居 1句話揭原因關阿媽事 港女斥：原來係裙腳仔【點擊下圖放大即睇內容 ▼ ▼ ▼】
同場加映：港女難頂男友阿媽 稱當自己人要求多乜都管 逼打疫苗令她決搬走【點擊下圖放大即睇內容 ▼ ▼ ▼】
同場加映：未來奶奶不捨30歲仔結婚 結局好唏噓【點擊下圖放大即睇內容 ▼ ▼ ▼】