【地質公園點火】萬宜東壩生火煮食　遭遊人揭發「聲大夾惡」反擊

「每一寸郊野公園土地，我哋都珍而重之」野外動向創辦人陳嘉俊，日前在地質公園萬宜水庫東壩，目擊有遊人生火煮食，當場喝止反遭對方以廣東話「聲大夾惡」回敬，坦言「估唔到香港人都咁不講理」。

萬宜水庫一帶是香港地質公園八個景區之一，東壩更加是遊人必到之地。專門籌辦野外活動及訓練的野外動向（HK Discovery）創辦人陳嘉俊，星期一（23日）整天在東壩拍攝地質環境，豈料在黃昏離開時，發現水壩位置冒出白煙，看到有5至6名男女在生火煮食。

陳嘉俊第一時間大聲喝止「呢度係非營地唔准生火，請你哋整熄個爐」，對方起初口頭答應，但再之後竟以廣東話「聲大夾惡」地叫一些「還政於民」等口號，令人難以理解，似在純粹宣洩政見的說話。「如果係外地遊客唔識規矩，都情有可原，估唔到香港人都咁不講理」。

陳嘉俊於是通報漁護署，獲回覆會派人前來。但職員來之前，該批人士已急忙乘坐的士離開。「我又唔係執法者，阻唔到佢哋，但見佢哋臨走前都有整熄個爐」。他批評「呢個係意識問題，如果個個都咁唔自律，喺郊野公園生火，燒著成個山頭，燒就好快，復原要好長時間」。

他又提醒，如果見到有人在非營區生火，應即時勸阻，不果的話則需報警及通報漁護署。

呢個係意識問題，如果個個都咁唔自律，喺郊野公園生火，燒著成個山頭，燒就好快，復原要好長時間。

最高可被罰款25000元

現場除了可飽覽水庫景色外，還可欣賞巨型六角岩柱，和自然奇觀海蝕洞。據《郊野公園條例》規定，任何人不得在郊野公園特別區以外範圍生火，以及可能引致失火的方式拋棄任何火柴、燃點香煙、煙斗灰燼，一經定罪，最高可被罰款$25,000及監禁一年。