老闆列5大辭職徵兆叫HR留意 枱頭冇私人物品 請半日假仲可疑
撰文：朱利安
出版：更新：
公司有人辭職乃稀鬆平常的事，但近日有打工仔就發文分享，指因為公司最近有2名同事請辭，老闆特意找人事部和一眾經理開會，討論自己觀察到的「同事辭職徵兆」，甚至將內容列印出來，引來同事爆笑，質疑老闆小題大做，而且認為有時間觀察同事一舉一動，倒不如檢討一下如何留住人才。
該名打工仔在facebook專頁「辦公室日報」發文，指公司早前有2名員工辭職，未料老闆很快就召集所有經理和人事部同事開會，稱留意到辭職同事在遞信前有2個古怪舉動，其中1人曾在茶水間講電話，見到老闆時動作閃縮，另外1人則使用紙杯斟水，沒有帶私人杯回公司。
老闆如發現新大陸般分享自己的觀察，一眾員工則在會議室啞口無言，樓主在文中不禁慨嘆，「喺pantry講私人電話有幾咁閒呀？我老公都唔會打我枱頭電話」，而且講電話撞見老闆，難免何有所避忌；而紙杯方面，也可能只是同事懶惰不愛洗杯。
惟更令樓主驚訝的是，老闆竟然在開會前便列印好1張紙，標題為《同事辭職5大徵兆》，同事看後也只能「得啖笑」。
按圖即看5大辭職徵兆▼▼▼
樓主逐一反駁老闆提出的辭職徵兆，例如請假可以純粹有事要處理，卻又不想浪費全日假期，指「當然有少少搵工辭職嘅味道，但係以我嘅經驗，真係會走嘅同事，可以一樣徵兆都唔中」。他續指，老闆在會中着人事部和各部門經理可多加留意，此話卻讓樓主更一頭霧水，認為員工一旦表現出相關行動，其實一切都已經太遲，直指「你留意到個員工想走係冇意思，不如檢討吓點解留唔住人才仲實際，醒下啦老闆！」。
同場加映：打工仔想劈炮唔撈 徵集最霸氣辭職方法 賠3個月糧即走未算最癲
+14
職場12星座│4星座想辭職卻無膽交信 雙魚欠積極、呢位怕行差踏錯
+8