女同事除口罩食飯 新男同事1句話激嬲人 補多句令全公司陷尷尬
在職場要謹慎說話是常識吧？有網民分享職場奇事，表示有男同事初來報到便口不擇言，竟直接批評女同事的外貌，令對方大感不悅。沒料該名新同事仍不覺有問題，「補刀」對其他同事稱：「我講得唔啱咩？」最終導致整個辦公室陷入尷尬，同事們只能借藉詞離開「暫避」。
連登網民「我條女係富婆」周四（12日）發文，表示公司近日有新入職的男同事，「睇落都正正常常，普通戴眼鏡斯文樣」，沒料對方竟口不擇言，極速「激嬲」女同事。
樓主憶述事發經過▼ ▼ ▼
他指男同事於午飯時竟直接對其中1名女同事說：「其實你除咗口罩都幾樣衰！」一眾同事聞言也非常震驚，樓主形容當時「feel到個女同事已經嬲咗，同埋成間公司啲人都靜晒」，認為對方即使有該想法也不應直接講出口，「雖然個女仔真係唔靚，但正常都唔會當面同人哋咁講啦」。
沒想到男同事仍未發現問題，再「補刀」對大家說：「乜我講得唔啱咩？」二次傷害的言論令辦公室的氣氛墮至冰點，一眾同事也不知應如何應對，部分人只好離開現場以免尷尬，「有啲同事見唔對路即刻話落去買嘢，之後佢地一句嘢都冇講過，𠵱家場面好尷尬」。
樓主其後表示，感覺到女同事「嬲完之後眼濕濕」，認為男同事未有考慮他人感受，「我都覺佢過份咗，個女仔本身都冇咩自信，仲要咁樣俾人話一話」。不過他坦言不知如何處理，「我都唔知可以點兜，最尾去廁所避一避」。
有網民看過帖文，認為無論在職場或平日生活，慎言非常重要，「又係𠵱啲以為自己好好笑嘅人，好煩，講笑唔應該咁講」、「個女仔無反擊佢，已經好大方」。亦有人質疑男同事想開玩笑融入大家，惟選了錯誤方法，「佢係咪expect其他人會笑埋一份，博出位」、「或者佢應該話，其實你帶咗口罩都幾靚呀」。
同場加映：初級職員自爆屋企用Dyson風扇 即被上司單打狂OT 結局超無奈【點擊下圖放大即閱讀內容▼ ▼ ▼】
同場加映：老細拍膊頭鼓勵：「睇好你啦」 打工仔信到足博表現仲chur埋上司【點擊下圖放大即閱讀內容▼ ▼ ▼】
同場加映：陰陽眼同事稱公司有鬼 阿姐淆底自此零OT 打工仔追問揭驚人真相【點擊下圖放大即閱讀內容▼ ▼ ▼】