恒指急插｜媽咪麵臨收市貼倉買牛證 網民慘叫：聽日又跌1000點！
【恒生指數／ATM／騰訊／阿里巴巴／美團／股災】恒指今日（26日）開市後不斷向下，全日收市報26192點，跌1129點或4.13%。連登燈神媽咪麵亦都發文「回應」市況，直指已經進入「世界末日」，更點名「ATM冇得避」（即阿里巴巴（9988）、騰訊（700）及美團（3690））。帖文一出，一眾網民立即重拾鬥志表示要All in，笑言「感謝救市」、「放心晒」、「好快升返，信者得救」。
恒生指數今早開市即跌穿27000關，輕微反彈但之後繼續沉底並跌足全日，最多曾跌至26177點，收市報26192點，跌1129點或4.13%，其中科技股及教育股成為重災區。
出名「講嗰樣錯嗰樣」的連登燈神媽咪麵就在討論區上以「世界末日啦！」為題發文，直指「股災打到嚟啦！ATM冇得避，連化身玉皇大帝都打救唔到蒼生呀！」。媽咪麵提到的ATM今日全數「見紅」，騰訊跌穿500元大關，全日收市報490元，跌7.72%；美團午市後失守250元關，全日收報235.6元，跌13.76%；阿里巴巴跌穿200元關，全日收市報192.1元，跌6.38%。
網民們看到媽咪麵發文立即對大市恢復信心，表示「可以準備All in了」、「快啲放晒啲熊呀，走鬼呀」、「歷時最長嘅大牛市今時今刻開始」、「多謝救世主」。不過之後媽咪麵卻在留言中問「有冇人入牛博反彈？」，更說「肯定有沽空，而家收手咁肯定彈返，入牛先係明智之舉」，強調現時市況，「博反彈呀，壓緊彈弓」。有網民質疑媽咪麵都一邊叫末日一邊叫買貨是燈上燈，他就解析指是「洗緊班淨睇標題嘅連登仔」。
不過正當全部網民「坐定粒六」等反彈的時候，媽咪麵再度發文指「恒指牛Forever！」，並於收市前上載買入牛證的截圖，證明自己已經入市看好，笑言「我一係唔出手，一出手就知有沒有」。網民們亦由叫好變叫苦，「聽日又跌1000」、「早幾日仲問麵麵去咗邊，我後悔了」、「手下留情呀」。
同場加映：港股大跌│網民：印度神童又中！預言這個月股市更震盪 倡2類投資【點擊下圖放大即睇內容 ▼ ▼ ▼】
印度神童最新預言！注意經濟股市震盪2個關鍵時間點…到2023年這個月才好轉▼▼▼
印度神童2類產品投資建議！呢類產品勿投資▼▼▼
同場加映：香港股民秒懂的23個術語！排隊上IFC做乜？連登契媽點解變阿木？【點擊下圖放大即睇內容 ▼ ▼ ▼】
常用股票術語：詞語篇【點擊下圖放大即睇內容 ▼ ▼ ▼】
常用股票術語：名言篇【點擊下圖放大即睇內容 ▼ ▼ ▼】
常用股票術語：人物篇【點擊下圖放大即睇內容 ▼ ▼ ▼】
同場加映：連登仔分享投資語錄 股神巴菲特睇完都嚇親？【點擊下圖放大即睇內容 ▼ ▼ ▼】