港女想過二人世界 家人願借百萬首期置業 男友竟拒絕仲話住劏房
上車置業對不少年輕一代來說，可能是遙不可及的夢想。有港女早前於討論區發文，指想與男友同居過2人世界，男友家人亦表明願意借出150萬元首期供兩人置業。不過男友聞言竟拒絕，表示會「自己搞掂」，更因1原因提出搬到深水埗區的劏房，令港女大感不滿。
「既然都搬得出去住，點解仲要住劏房喎？」該名港女於香港討論區以「想同男朋友搬出去住點知佢話要住劏房」為題發文，稱正打算與男友搬到外面同居，享受2人世界，「大家都夾好咗租金最多係10,000多少少，全部開支會除半」。她指本來正在睇樓，事前亦已計算租金及開支，確保大家能夠負擔，但男友「又嫌呢間太遠嗰間太貴」。
港女指，男友的媽媽得知他們的計劃，即表示可借出150萬元作為首期，供兩人「上車」之用，「租屋定買樓都有傾過，佢阿媽都覺得如果係要搬出去住嘅不如我哋買樓，我哋有評估過每個月交完租、日常開支之後都仲可以有剩錢，所以先真係去睇樓」。
但男友竟然一口拒絕媽媽好意，並因為以下原因，寧願住劏房也不願置業▼▼▼
對於男友提議搬到位於深水埗區劏房，港女大感不解，「問佢點解揀劏房，佢話深水埗方便喎！搬出去都係想對自己好啲啫，唔明點解要住劏房囉！就算真係要買樓都係一齊供，唔會淨係要佢畀晒錢，我都係想過好啲嘅生活啫，咁都有錯咩」。
她指本來曾看過月租約9000元的村屋單位，稱兩人能夠負擔，惟男友嫌地點不方便；其後亦想過服務式住宅，認為「唔使自己做家務又有享受」，但男友則覺得「畀錢住酒店冇家的感覺」，「明明平時喺屋企佢都唔做家務㗎啦，同我講家的感覺」。
不少網民看過帖文也質疑，樓主男友並非想搬到劏房居住，而是根本不想搬離家中，才以此作為藉口，希望令樓主放棄，「條仔就係想同你保持一定距離，所以未話住劏房等你知難而退囉，明唔明呀」、「佢唔想用阿媽嘅錢，而且出去自住開支可以好大」、「有的嘢係要好現實去計數，唔係想搬就要搬，以後心理上要孭住層樓，男朋友唔想有咁大壓力」。
同場加映：同居4個月蜜月期結束 港男數女友3大奇怪行為 1周唔洗頭好恐怖
女友３大奇怪行為：
網民點睇：
👇👇👇被屯門大媽呃錢與兒同住 新抱控訴老爺6宗罪 睇AV後1句話最離譜👇👇👇