兒子差錯腳致iPhone 11 Pro跌落坑渠 港爸想搵渠務署索償惹熱議
不時有網民講述黑仔事，有人甚至平常行路也會有財物損失。有將軍澳街坊日前發文，指兒子在街上行走時，疑因坑渠蓋未有蓋好導致「差錯腳」絆倒，令上月才購入的iPhone 11 Pro直墮渠內。樓主為兒子感不值，遂問網民應如何向渠務署要求取回電話及就損失金額索索取賠償。
該網民上周四（3日）於facebook群組「將軍澳討論區」發文，指兒子當日手持上月才購入的iPhone 11 Pro電話於唐明街行走，期間疑因街上的坑渠蓋未有蓋好，於路面輕微凸起，令兒子不慎「叉錯腳」絆倒，手上的電話更意外墮進坑渠內。
樓主為兒子損失新買的電話感不值，認為問題在於路面的坑渠未有妥善放好，才令兒子跌倒及導致財物損失，遂問網民：「請問有沒有方法向渠務處或管理處要求取回及賠償手機？」
帖文引來網民熱議，不少人笑指樓主的兒子不慎跌倒，竟能將責任置於他人、甚至死物上，「原來唔係緊張個仔，係緊張部電話啫」、「自己顧住撳電話，行路唔帶眼，又賴個蓋」、「你自己個仔一路行一路玩電話仲想要人地賠畀你？你企出馬路玩電話，俾車轆你，你唔好叫晒所有司機賠錢畀你？」。
亦有不少網民「抽水」留言，建議樓主「可以試吓問法援，不過民事唔受，睇下有冇得告渠務署蓄意傷人」、「意見信放坑渠，它會傳返總部，等消息」、「你唔喺現場出現就冇事，去得嗰度就可能有呢啲風險」、「渠蓋唔一定係渠務處跟喎」。
跌車匙入坑渠並不是電影情節，現實生活中發生勢令車主好困擾。有市民近日街頭泊車，一時「失魂」跌車匙在街邊排水渠內，徬徨下只能致電政府熱線1823求助。他指渠務署即時派員到場幫忙，不但熱心開渠找鎖匙，細心叫他避開免弄髒，找回後更先用清水洗乾淨才交還車主，令他大為感動：「我諗我呢世都唔會忘記今日嘅事。」
同場加映：AirPods跌落坑渠 台女3件法寶拯救 網民：550蚊失而復得
同場加映：港男出po曬食「8萬蚊特價放題」惹熱議 網民跟風「炫富」超爆笑