【水母學校】中學成真水母間　學生親親大自然兼學Bio

傘狀身體一開一合，觸鬚隨水流飄盪。一隻又一隻水母，並非身處海洋公園水母館，而是居於大埔一間中學。水母化身動物教師，令學生更易理解生物科課程；學生亦可透過照顧水母，學習實用知識、實驗技巧同科學思考方法。

中華聖潔會靈風中學三年前起在校內飼養水母，短短三年，學校變成「迷你水母館」；校長室、教職員休息室、生物實驗室及中三級的四個課室，均設水母缸，合共飼養逾千隻水母。至於將水母引入學校的幕後推手，則是生物科科主任李栢燊（李sir）、實驗室技術員巫嘉明（巫sir）及曾任海洋公園水母館館長的陳榮邦（阿邦）。

水母與學生的故事，由巫sir逛金魚街開始。巫sir看見有人售賣水母，便起了在學校養水母的念頭，李sir認為水母體態優美，聽畢亦大力支持，便「膽粗粗就養咗」，校方亦相當配合。

水母棲身於學校兩年後，李sir決定發展海洋生物學課程，中三級同學會透過水母構造，學習生物學課程內的知識，「將同學有興趣嘅嘢放入課程，同學好有心機，又可以提升效能」。李sir又強調，將水母放入課程內，「唔係淨係知識傳遞，而係去接觸、去摸、去實驗」；中三級海洋生物學第一課，便要求同學設計水母缸。

養水母學「滲透作用」

李sir舉例，由於水母身體中逾90%為水份，飼養期間會「縮水」，學生目睹後便會了解生物學中「滲透作用」（osmosis），明白高水分子區域（即低濃度溶液）會滲入低水分子區域（即高濃度溶液）。李sir坦言學生會比過往更明白，「原來呢個過程就係滲透」，故到學生中四時再次學習滲透作用，李sir只需說句「記唔記得點解啲水母會縮咗水？」便可喚醒學生記憶。

在學校養水母，不只僅是課程內容上的得益，更可拉近學生與大自然的距離。海洋生物學的第五課是《人類與海洋》，「學生可以諗吓，人類喺海洋污染度有咩角色？」李sir直言，在校養水母，「唔係播power point，係想學生親身去接觸」，學生與水母建立關係後，亦可孕育保育意識。

由實驗室技術員，搖身一變成為水母飼養員；將水母帶進學校的巫sir指，養水母非只學生得益，自己亦寓工作於學習。「好難得嘅係有時間同學生更close（親近），一齊去學新嘢」。由於有關水母的資訊不多，故巫sir會和學生一同參與水母探究研習，經過兩者合作，「學生對我哋嘅信任增加咗，亦都唔會覺得老師係高高在上」。

學生：水母如自己BB

學校飼養水母，同學至為獲益。加入水母計劃小組的同學，每日會到生物實驗室照顧水母。參與小組兩年多的陳樂熙，形容水母如她的「BB」。最難忘是加入小組不久，被學姊捉著手伸入水母缸（註：盛載無毒水母的水母缸），「摸落好似啫喱咁」；克服「水母有毒」的心理陰影，樂熙往後亦「照辦煮碗」，要求新加入的學弟學妹伸手摸水母練膽。

另外，小組成員亦需要在照顧水母時撰寫飼養報告，工多藝熟，也提升了寫報告技巧，回答生物科考試卷長問答時，亦較得心應手。

至於另一名小組成員趙婉珍則指，加入小組前性格內向，「以前講嘢好驚好驚，口窒窒驚講親嘢，又驚激嬲人」，但加入小組後需在校內，或到其他學校分享水母飼養情況，三年來共作20多次分享，「大膽咗好多，會大聲咁向人哋present一啲嘢」。

海洋公園前水母館館長出手協助

「繁殖到水母當然係好開心，但未及教到人哋（學生）成功繁殖咁有滿足感」。由大型主題公園走到中學校園，曾任海洋公園水母館館長的陳榮邦坦言，在學校發展飼養水母困難得多。「我自己第一次同學校合作，學校又係全港第一間繁殖同研究水母，畀到我一定壓力」。曾經有學校亦有意飼養水母，希望阿邦協助，但「只係放個缸養住，無再做任何研究」；後來遇上巫sir，得知對方有意在學校養水母，暗忖「係咪又係養幾日就算數？」但眼見學校在水母計劃愈做愈好，阿邦最初的疑惑亦完全抹去。

現時阿邦每星期到校一次，作水母養殖顧問，坦言「見到而家咁嘅成績，就知佢哋用咗幾多時間、幾多耐性、心機去做呢樣嘢」。