腸胃炎入院2日開刀 收老細追魂call要求趕公事 打工仔1句霸氣KO
工作理應只在辦公時間完成，然而很多上司和老闆卻不這樣認為。有打工仔發文分享，指早前因急性腸胃炎須入院接受手術，當日已交代好工作及請假，老闆亦已批准。不過當她住院時，老闆卻「奪命追魂call」，要求她協助處理緊急公事，甚至責怪她未有接電話及要脅解僱，打工仔表明不能幫忙，更1句霸氣KO老闆，獲網民大讚有型。
【最強流動派】想賺多啲「01積分」換禮品？即提名「最強食玩買熱點」，賺高達488「01積分」換人氣雪糕及馬卡龍！
「啲老細個腦究竟裝咩？」該名港女於Dcard討論區發文分享工作經歷，指數日前因急性腸胃炎入院，當日即時聯絡老闆請假，並將工作交給同事跟進，「我話我已經將啲嘢交晒俾我拍檔，因為要住院大概兩日，做埋啲檢查之類」，老闆得知亦同意。
「我老細一開始都話OK，跟住就嚟料」，樓主指老闆在她住院期間「奪命追魂call」，致電十多次稱公司有緊急項目，要求她於假期內完成，「叫我住院都要做，真係好急」。不過樓主入院須接受手術及各項檢查，受藥力影響難以接電話，何況在醫院工作，「因為我食藥會好無力，會成日聽唔到電話，佢就問我點解唔聽佢電話」。
老闆明知樓主抱恙入院，但其後仍以強硬態度要求她完成工作，更一度以解僱她作要脅，「佢話如果我交唔到個design，就叫我唔好返嚟啦」。忍無可忍的樓主聞言即霸氣表示「咁我唔做啦」，嚇得老闆突然讓步，反問她「咁你想抖幾日」，然而樓主「企硬」堅持辭職，「我話『唔做啦，我呢兩日冇可能畀到你』」。
霸氣KO老闆後，樓主不禁鬆一口氣，直指老闆沒有考慮公司的能力便接下項目，令一眾同事受罪，到頭來便自食其果，「點解自己唔衡量下能力再接case？佢話如果畀唔到design，公司要陪違約金。哈哈，抵你死！反正我已經唔撈，你死你事，你點對人哋人哋點對你」。
帖文引來網民讚好，不少人大讚樓主有型，「支持唔做，公司冇當你係人」、「抵佢啦！你好好休息再接再厲，加油」、「型啊！香港需要多啲你呢啲人，先唔會咁多打工奴隸俾老細壓榨」、「其實你唔應該話自己唔做，應該等佢炒你，跟住你再上勞工處告佢」。
同場加映更多離譜老闆▼▼▼
同場加映：控制狂老闆裝9部CCTV昅到實 煲劇式監視員工 如廁逾5分鐘即來電
Facebook專頁「奴工處」刊登一篇投稿，撰文者表示同事突因急性器官衰竭不幸離世，辦公室亦一片愁雲慘霧，詎料「極迷信又刻薄」的老闆即召開大會，下旨說明4件事不准做：
天下老闆一樣「黑」？原來世界上都有絕世好老闆，英國一間影音設備連鎖店創辦人，甚至將六成股份分給員工，即刻按圖睇他的故事▼▼▼