新租客不付款圖「呃裝修」　網吧老闆：唔瞓覺都要清佢場

不少老闆在退租店舖時，均會與新租客商討，將店內設備、裝修轉售予新租客。有老闆則在facebook群組稱，原定以3萬元將店內設備售予新租客，惟對方竟在交舖前兩日才稱「一個仙都唔會畀」，意圖不付款接收其裝修及設備。
該名老闆因深感不忿，遂於兩日內拆走店內所有裝修，「唔瞓覺都要清佢場」，引起不少網民追看過程。

原定於今日退租店舖的網吧老闆Alan，昨日（14日）凌晨在facebook群組「北區」發文稱，原與下手租客協定，以3萬元將裝修、電燈、冷氣等設備售予對方，打算「一家便宜兩家著」。詎料對方在承租前兩日（13日）才表明「一個仙都唔會畀」，令Alan深感不忿，「即係計好時間，我14號冇本事搵到人返嚟拆裝修啫」。

Alan批評租客「啲新香港人真係帶埋國內嘅習性嚟香港」，並稱與新租客原為樓上樓下舖關係，「見面十年八年，佢一個唔該租咗我個舖我都唔理佢」，惟對方出爾反爾令他感氣結，遂於一日半內極速拆卸所有裝修，並將店舖設備贈送予他人。

帖文獲不少網民留言支持，有網民批評新租客賴皮、不認帳，並紛紛獻計支持Alan拆卸裝修行動。有網民留言指「呢啲人（租客）真係要教訓，無誠信」、「（租客）慳3萬蚊，但跌咗十幾萬（裝修費）」。不少網民「食花生」持續追看帖文，更有人化身「戰地記者」，特意前往店舖觀看。

Alan亦不時在帖文留言更新清拆裝修情況，「個女人（租客）而家應該仲笑緊我，到佢收舖見到電都冇埋我睇佢點笑得出」、「本來好來好去……一家便宜兩家著，我留番3部2匹分體、1部3匹分體，一部窗口機俾佢，三相電箱俾埋佢.......連櫃台都話留俾佢....我真心估唔到佢伏我囉，最尾一日先話唔俾錢」。而他更引述業主稱「業主話咁X嘅人，拆晒佢真係應該」。

《香港01》記者曾向Alan查詢，他稱不少網民均支持其行動，而作為商人，他雖明白每宗交易均有不確定性，惟仍感不忿，「我開3萬蚊，係想買賣雙方都舒服，地台水電廚房鋁窗玻璃大門，全部都係我俾錢做，我都費事計啲平板LED同冷氣」。記者曾問他如何得知對方為「新香港人」，他則稱「咁多年都好多大陸鄉里搵佢」。

「我唔高興，係畀佢當傻瓜，而唔係所謂3萬蚊。如果我唔拆，咪畀佢奸計得逞？所以我先唔瞓覺都要清佢場」。

Alan又稱，該名租客於13日晚上8時表明不會付款，他當晚拆裝修至凌晨2時，前後3日共花約18小時拆裝修。不少網民均關心租客接手店舖時的反應，Alan則稱該名租客看見店舖裝修遭拆走時，可謂「臉如死灰」。