港女OL周身名牌呻窮　男同事拒借錢遭一句唱衰　網民心寒：好高招

【職場/同事/借錢】職場如虎口，同事之間如果有錢銀轇轕，隨時變反目成恨！最近就有網民大呻遇上港女同事，表示該女同事周身名牌，又會在Instagram上打卡曬貴價美食，但在公司呻自己無錢洗，有次更直接向樓主借錢，結果立即拒絕。對方不忿氣之下竟向其他同事篤背脊，批評樓主孤寒，指他「溝女都唔使吓錢」，令樓主深感無奈，坦言「我想講我對佢一啲意思都冇」。網民直言該港女十分高招，因該句說話令自己立於不敗之地。

下載「香港01」App ，即睇城中熱話

該網民於facebook專頁「奴工處」投稿，表示公司有個極品港女同事，每次見到她亦是周身名牌，出糧後又會瘋狂購物稱要減壓，甚至在IG上亦看見她打卡嘆盡貴價美食，可說是在享受奢華生活。

不過該女同事常呻自己無錢用，有次更要向樓主借錢渡日，樓主隨即拒絕。但對方可能不忿氣，樓主近日得悉對方在背後曾向其他同事批評樓主孤寒，更直言：「溝女都唔花錢。」樓主大感無奈，「我想講我對佢一啲意思都冇」。

網民紛紛留言笑指樓主的女同事心機高，「樓主好無辜」、「死都唔會咁樣借錢畀同事」、「借唔借都畀佢拎晒彩，呢招高」、「睇人IG就代表想溝人，個同事都幾黐線」、「陣間全公司都以為你鍾意佢」、「公司咩人都有，唯有小心提防啦」。

（facebook專頁「奴工處」）

↓↓↓↓↓同場加映：港女自白遭肥胖客人針對↓↓↓↓↓

👇👇👇同場加映：女同事話我老公暗戀佢👇👇👇

👇👇👇同場加映：寸嘴新同事一秒得罪人👇👇👇