生活習慣大不同　大學生如何與室友共處？

嶺南大學早前有中港宿生因文化差異而起爭執，翻查資料，本地大學宿位稀少，要住宿可謂「爭崩頭」；難得可以住宿，面對文化、生活習慣大不同的室友，宿生之間如何可和平相處？

嶺大學生：生活習慣唔同，夾硬住埋同一層

嶺南大學霍藻棉樓（Hostel B）早前有內地生，因不甘同層宿生深夜時份仍然吵鬧，拍片上載後批評吵鬧學生為「廢青」，其後反遭指責為「支那狗」。住在同層宿舍的Donald曾向《香港01》表示，當時「成層好兄弟」正在慶祝宿生生日，故相對平日嘈吵，「通常有班住耐啲、玩Hall Camp（宿舍迎新營），會比較熟絡……可能佢（拍片者）想靜，但我哋嗰層慣咗2點鐘都未瞓」。

「生活習慣唔同，夾硬大家住同一層……有啲人慣咗嗰個時間先active啲，有啲人覺得好嘈，就會投訴。」

大學宿舍舍監：爭執多源於生活習慣差異

浸大楊振寧堂舍監、中醫藥學院教學科研部副主任余堅文博士向《香港01》表示，中港學生之間出現爭執，多因生活習慣差異，如本地學生多較晚睡，「peak hour係凌晨1至3點」；加上說話聲線較大，偶爾會引致內地生或外國交換生不滿。但據他所知，不少內地生均努力融入香港文化、學習廣東話，爭執、矛盾並不常見，「人與人之間一定有differences（差異，）唔係因為地域、文化差異。」

大學生：室友是一份責任

在宿舍房間挑燈夜讀、與宿友打麻將、聊天，住宿舍對不少大學生而言，相信是難忘回憶。但面對生活習慣差異，大學生又如何與室友相處？

「Roommate呢樣嘢都係責任嚟，你揀得同佢做roommate，就應該好好地同佢相處。」

Chris形容，室友對他而言就如家人、兄弟，「唔係真係屋企人嘅屋企人……佢會唔收錢咁畀麵我食，會幫我洗碗」。他認為宿生亦有責任與室友打好關係，「你揀得同佢做Roommate，就應該好好地同佢相處」。

「我都當咗佢哋係家人，有幸喺呢個宿舍，喺大學呢四年相遇，都覺得係好幸運嘅一件事。」

Jerome過往數年曾與捷克人、台灣人同房，對於文化差異會否影響與室友相處，Jerome認為要視乎對方性格，「睇佢多唔多講嘢、願唔願意接觸我哋文化；如果佢願意接觸，都會好活躍」。

大學生申請宿位「爭崩頭」

嶺大宿生爭執引起網民熱議中港矛盾。翻查資料，本港大學宿位不多，宿生往往需「爭崩頭」（見表）；有報道指2012/13年度八大資助院校宿位共約3.35萬，但卻有多達5.6萬名大學生申請，當中近2.25萬人無宿位。

另一邊廂，大專院校往往承諾向內地生提供一至三年不等的住宿安排，如港大承諾為非本地生安排首年宿位、中大則承諾向非本地學生提供3年住宿，加上中港矛盾日漸尖銳，本地網上討論區中，內地生不時被指摘「爭宿位」。