疫情下港男去診所仍拒戴口罩　斥職員「愚民」：我唔戴你係咪會死

今時今日仍有人去診所拒戴口罩？去診所為己為人最好戴上口罩，但即使現在疫情肆虐，仍然有人堅拒戴罩。日前有在診所任職的網民在facebook專頁分享，一位港男求診時以「睇唔到」告示為由無戴口罩，之後還歪理連連，反問「我唔戴你係咪會死嘅啫」，更「醒過專家」指要求戴口罩是人講就信的行為，「你呢啲正宗愚民嚟」。雖然怎聽都是在找借口，但許多人看完帖文深有同感，指這類人不在少數，「佢自己死就算啦，唔好累埋其他人」。

下載「香港01」App ，即睇城中熱話

樓主在facebook專頁「診所低能奇觀」投稿，分享在診所上班時的奇遇，一個港男在目前疫情嚴重下睇醫生時，竟然沒戴口罩，還一直死撐強詞奪理。即使職員多次要求仍拒絕戴口罩，甚至指自己「又唔係有啲咩病」，又揶揄職員「你呢啲正宗愚民嚟，人講你又信，身體健康就百毒不侵㗎啦」。

職員沒再與港男爭辯，明言如沒戴口罩便要請他離開，最終他屈服，從褲袋取出變成「一團嘢」的口罩，並再次「單打」職員：「少少嘢，係死就點都死㗎啦，怕死成咁！」

港男的說法荒誕，更重申了不戴罩人士經常掛在口邊的不怕死理論，說得字字鏗鏘，自以為言之有理。網民看完帖文第一點不是質疑他為何不戴口罩，而是他既然有不怕死的膽量，為何還需要看醫生。

網民點睇：