無綫主播「眼紅紅」　陳珍妮直播期間要改髮型　斥高層「唔realistic」

無綫新聞主播余浩宗昨晚在報道新聞時眼紅紅，引起網民熱烈討論。有指是因為髮型問題被「照肺」而感不快，而他在10月初已經辭職。下午5時，余浩宗在facebook「解畫」，指眼紅只因工作進入倒數階段而「感觸及感動」。
前主播柳俊江表示「無論有咩唔開心，喺幕前表露出嚟唔係好合適」。另一前主播陳珍妮就指高層某些要求「唔realistic」。

無綫新聞主播余浩宗昨晚（周一）在報道新聞時眼眶泛紅，惹來網民嘩然，健吾亦有在其facebook專頁上載余浩宗報道截圖，並問「無事嗎？」

有傳媒報道指，余浩宗早已辭職，但疑因新髮型遭新聞部總監袁志偉「照肺」被調做通宵更，因而感意興闌珊寧賠錢提早走人。下午5時，余浩宗在facebook「解畫」，指眼紅只因工作進入倒數階段而「感觸及感動」，試圖為傳聞澄清。

但在「眼紅」報道前，余浩宗曾在facebook呻「我好鍾意我嘅工作，但好討厭我間公司，我寧願畀錢早啲走。CCTVB呢間公司果然唔係浪得虛名。從來未試過咁委屈，如果見到我今日報報下喊唔好咁驚奇」。而在本月初，他亦曾在facebook指自己只會在無綫新聞工作多一個月。

事實上，新聞主播須在幕前要維持一貫專業形象、不受私人感情影響，但又談何容易。無綫新聞前主播黃紫盈更曾在鏡頭前落淚兼聲線顫抖，而另一前主播陳珍妮也曾出書大爆做主播的辛酸，指有時委屈得要「匿埋喊」，但隨即就要抹乾眼淚、堆起笑容出鏡：「喊完返去執個樣又再讀囉。」書中她更指自己壓力爆煲失眠，在離職前半年需不斷看醫生求救，又瀕臨抑鬱邊緣。

因耳環被罰寫道歉信

陳珍妮接受《香港01》訪問時指出，無綫新聞對於主播有指定的髮型，「要短，可能覺得冇咁『褸丘』（不整齊）啩」。對於服裝，她就指沒有特別限制，但要隨身帶有黑色外套以備突發天災人禍事件，而新年則要穿上鮮色衣服。談及最離譜一次，她稱有次在新聞直播時被指髮型不對要即拆髻，對方堅稱要在鏡頭沒拍到她的情況下趕至化妝間拆髻，她斥「唔realistic」，批評報道已見街，觀眾已知道她紮髻，突然拆掉會很奇怪。她有次亦因耳環問題被罰寫道歉信。

情緒來襲又如何按捺？無綫新聞前主播柳俊江跟《香港01》談及新聞主播的專業態度時稱，「無論有咩唔開心，喺幕前表露出嚟係好唔合適，呢個唔係宣洩嘅機會」，批評若主播在鏡頭前宣洩是幼稚，「係小學生、中學生嘅行為」，因為新聞主播是以幫助新聞為主，作為Presenter將資料傳達給他人，不應作任何阻礙新聞發放的事情。

柳俊江：鏡頭前宣洩是幼稚

柳俊江表示，若主播不舒服，會有同事會代替上場，不必勉強自己，「既然做唔到100%performance，就退落嚟，等其他有100%performance嘅人做」，強調報道重點在於新聞內容及質素。被問到新聞主播的髮型有何標準，他就笑指「老細覺得點就點」，但自己均可判斷何為decent（大方）的髮型或顏色，以此準則引伸，服裝也是正常西裝打呔便可。