新冠肺炎｜土瓜灣阿伯拉低口罩咳住揀凍肉 店主：已安排消毒店舖
撰文：謝茜嘉
出版：更新：
本港爆發第三波新冠肺炎疫情，市民人心惶惶同時亦提高防疫意識。不過有網民近日於facebook貼出相片，鬧爆一名老翁光顧土瓜灣一凍肉店時竟拉低口罩，更邊咳邊徒手挑選凍肉，極不衛生，樓主提醒街坊要小心。店鋪負責人在帖文回覆，指舖頭近日已貼出通告要求客人戴口罩，同事同時亦提醒老翁戴口罩，就事件引起不安致歉，負責人表示已安排清潔公司為店舖全面消毒。
有網民近日於facebook群組「To Kwa Wan土瓜灣之友」上載相片，表示在土瓜灣一凍肉店內目擊一個老翁在店外凍肉櫃前拉低口罩，徙手挑選凍肉時更不斷咳嗽。相中可見，該老翁低頭專心選購，惟他把口罩拉至下巴位置，口與鼻外露「唞氣」。樓主在帖文埋怨凍肉舖未有就事件作出處理，更提醒街坊多加注意。
帖文引來大批網民熱議，批評老翁直接用手接觸凍肉，非常不衛生，「好恐怖。」、「下手嚟買就中招啦」、「起碼都用返個鉗啦」、「間鋪咩措施都冇？」；但亦有網民為店舖抱不平，「做得街市忙起黎真係睇唔到咁多」、「間鋪冇得揀客，要怪係怪唔戴口罩嘅人」。
及後凍肉舖負責人在帖文親自回覆，表示為事件致歉，已立即跟進處理，「本店早兩日都有貼出通告要求客人帶口罩，亦有叫同事跟指示去做，有時候繁忙時段人手有限，剛亦問過同事了解，同事亦都話有要求佢帶番口罩」。
他強調會再三提醒員工留意同類情況，為讓街坊安心，已安排清潔公司為店舖全面的霧化消毒工作，亦會加強措施，例如不接受不配戴口罩的客人進入門市，亦會要求必須要用店方提供的食物夾去選購沒有包裝的貨品，以保障客人及店鋪職員。
（facebook群組「To Kwa Wan土瓜灣之友」）
同場加映：病毒在不同溫度失去感染力時間
同場加映：食物放雪櫃7個消毒步驟↓↓↓
+4