西龍飯糰轉售賣機出售　手製即做飯糰成絕響

日式手卷近期大行其道，卻有另一間台式飯糰專門店悄悄退去。2003年於香港開業的西龍傳香飯糰，位於香港最後一間分店傳出結業消息，改以售賣機出售。不少市民專程到場，把握最後機會懷緬手製飯糰滋味。

西龍傳香飯糰位於深水埗西九龍廣場的分店，將於本月21日結業。但其實深水埗店亦是西龍傳香飯糰在香港首間分店，十三年後，分店業務走到終點，也是由此店「埋尾」。

《香港01》記者昨日（10日）下午到深水埗分店，人龍絡繹不絕，兩小時內人龍亦未斷尾。飯糰售賣形式猶如港式車仔麵，先選擇紅米、紫米及糙米等「飯底」，再從近40種肉類或蔬菜配料中揀選六種；同時亦有固定配料飯糰款式供應，價格由$21.8至$23.8不等。職員在顧客落單後，便會即場制作飯糰。

廿幾蚊有飯仲有六個餸

顧客羅小姐指，得知店舖快要結業，故特意前來光顧。她指，西龍使用糙米及紅米等米飯作飯糰較為健康，加上飯糰價格便宜，「廿幾蚊有飯仲有六個餸」，故經常光顧。

家住深水埗附近的羅小姐仍記得「呢間舖係第一間，食咗好多年，試過一兩日就食一次，當早餐、當晏晝」。羅對店舖結業直言不捨，對於未來店舖以售賣機形式繼續營業，羅對此感到可惜，「變哂售賣機就無得揀餸」。

首次捧場劉小姐：親手做有親切感

繆先生及劉小姐到場購買紫米拼五穀米飯糰，劉小姐指得知西龍分店結業的消息，剛巧路過便決定惠顧，「我哋係第一次嚟試吓」，繆先生亦笑言「我係今日先知佢開咗十幾年」。兩人首試飯糰後，指飯糰「咬落去幾有質感」，配料感覺豐富，整體健康之餘有特色，「即使賣三十蚊，間唔中食一次都OK」。

繆指，西龍餐牌多選擇，價錢以商場店舖來說亦算合理。劉則指，飯糰配料中不乏蔬菜類，「好多都係素食嚟，健康嘅，係值得保留」。對於西龍改以售賣機賣飯糰，劉小姐指未必會嘗試，因為「睇住啲姐姐親手做先有親切感，機器太過形式化」。

吳小姐：有結業報道才知仍有分店

吳小姐指，許多年前曾惠顧西龍，「以為佢無哂，睇返報道先知仲有」，故前來光顧。相比現時受歡迎的日式手卷，吳小姐指「刺身手卷周圍都有，但少呢啲形式嘅飯糰」，轉至售賣機後，吳稱「會試一次，睇下質素點，始終鍾意飯糰熱辣辣」。

顧客林先生指，自己是即包飯糰愛好者，得知西龍分店將結業，特意前來一試。林指，西龍訂價「接受到」，又認為飯糰是較冷門食物，故對西龍結業感到可惜；若售賣機飯糰質素相若，亦會繼續購買。

記者傍晚到達位於旺角一商場的飯糰自動售賣機，飯糰只有九種限定款式，價錢比深水埗埗店飯糰為低，只售約20元，但當中五款均已售罄。

西龍傳香飯糰在其facebook專頁指，西九龍中心分店營業至本月21日後，將會以熱飯糰智能售賣機繼續經營；網上訂購及到會服務均不受影響，網上會員亦可繼續使用會員折扣。不少網民留言表示不捨，並希望西龍在不同地區擺放售賣機，西龍則指歡迎網民提供售賣機擺放地點，「希望有部喺你們咗近」。