將軍澳生果檔賣爛士多啤梨 街坊中伏怒轟:非日本產仲要發霉

撰文:朱利安
出版:更新:
做生意最重要是老實,顧客才會客似雲來,但有將軍澳街坊最近卻控訴遭遇「生果店騙案」,花120元買兩包自稱產自日本出租車多啤梨,表面粒粒新鮮,回家開啟一看才發現全部都爛和發霉,提醒其他街坊勿再幫襯。

樓主昨日在facebook群組「將軍澳主場」發文,指日前到將軍澳厚德街市一檔生果店以120元買了兩包士多啤梨,皆自稱日本產,表面看似沒有異樣,未料昨天開啟一看沖洗,才發現「粒粒都爛同發霉」,甚至刻意大執位,「靚嗰面向上面,呃人買」。
樓主其後到生果店打算退錢,店員阿姐原本只想換貨,樓主幾經追討才願意退貨,更令人懷疑她是否一早知情,「個阿姐一啲都唔意外,好似明知咁」。文中狠批涉事生果店「缺德」,做生意手法明顯有問題,認為買來出租車多啤梨既非日本貨,更是已經壞爛,「大家買嘢嗰時最好當場睇清楚,錢事少,健康事大」。
大批同住將軍澳的街坊見帖紛紛留言,指涉事生果店並非「初犯」,分享自己受騙經歷,「日本同大陸蘋果溝埋嚟賣,中過一次招,以後無幫襯」;有人則同樣買過發霉士多啤梨,表示「趁我畀錢嘅時候換過另外一盒全部發霉!跟住我返去理論好多人圍觀佢先至肯退錢!原來咁多人中伏!」。《香港01》今午致電涉事生果店惟無法留言,現時經其fb專頁查詢事件,正等候回覆。
+9