新冠肺炎 |擺酒變外賣自取　網民有讚有彈：我公司春茗都變秋茗啦

新型冠狀病毒COVID-19（俗稱武漢肺炎）肆虐不宜聚餐，日前網上就爆出有新人擺酒堂食變外賣，現場只提供酒水橙汁，片照播儀式照搞。網民反應各異，有的理解讚安排合理，有的人卻認為新人只是怕蝕訂拒取消，結果搞着賓客。有網民指同枱食飯風險高，籲勿太責怪這對新人，「我公司春茗都推遲到變秋茗啦！」

下載「香港01」App ，即睇城中熱話：https://hk01.app.link/qIZYuEC5LO

日前有網民在FB「巴打絲打 Facebook Club」發帖，指參加的結婚酒席不設堂食，並上載照片顯示請客新人已安排賓客拿走筵席原訂的食品，一人一份離場時領取，引來網民嘩然。

不過大家反應各異，有的人反感認為新人如覺得危險，就應取消婚宴，但這樣賓客自取外賣，感覺失禮，亦會質疑主人家想收人情不想蝕訂而硬搞，又認為做人情的賓客或會感到難受，「咁去嚟做咩，你幫我畀deliveroo送一個外賣去我屋企，我PayMe人情俾你算啦」。

另亦有人關注環保問題，質疑一人份食物已用了最少7個盒，以擺酒客人上百計，浪費的即棄膠盒十分驚人。

不過亦有網民認為新人的做法可以接受，只要事先通知了賓客有關安排，這樣反令人更安心，「畀我都唔想除低口罩咁大棚人一齊食」、「呢個安排幾好，可影相，但不用長期逗留」。

酒樓咁樣講：

一對新人👰🏻🤵🏻昨晚如常喺我們嘅婚宴場地證婚💍同祝酒🍷， 親朋戚友亦都前來祝福一對新人😘。完成簡單而隆重嘅儀式後，賓客就帶著彩福大廚預先準備好嘅婚宴食物回家享用。咁樣嘅安排，當然不是最完美，但喺呢個咁特別嘅情況下，相信賓客亦都不會介意，最重要當然是祝福一對新人，見證佢哋嘅重要時刻。

彩福婚宴集團回應事件時表示，該對新人11月時已改期一次，為免一改再改，故與酒樓協商，盡最大的努力完成這場不一樣的婚禮，亦稱希望疫情快些完結，香港盡快回復正常。

亦有網民表示，現時情況下聚餐超高危，不少公司都取消有關活動以免「一鑊熟」，又指其公司早前公布要押後擺春茗，「大家都估應該會變秋茗！」。