【逃犯條例】港男示威無暇拍拖　女友嗌分手：香港重要定我重要？

「老婆同阿媽一齊跌落水，你會救邊個先？」警民激烈衝突後，政府暫緩但不撤回修訂《逃犯條例》，致周日200萬人上街，風波遲遲未平息，有參與者的感情亦受影響。有網民在連登討論區發文，指他近日頻繁參與示威活動，無暇理會女友，加上現場訊號弱難以聯絡，女友不滿被冷落以「香港重要啲定係我重要啲」威迫分手，令樓主不知如何是好。

下載「香港01」App ，即睇城中熱話：https://hk01.app.link/qIZYuEC5LO

樓主周四（21日）於連登討論區發文，表示自己過去一星期頻繁去遊行示威，未有時間理睬女友，自從上次身處現場因訊號弱而無回覆後，女友便「嗌分手」，又問「香港重要啲定係佢重要啲」。

「我答佢梗係香港重要啲」，樓主指自己毫不猶豫選擇了香港，因為「條例過咗我哋就冇未來」，現在不知道分不分手，遂向網民求教。

帖文引起網民熱烈討論，不少人都認為樓主應考慮分手，「出去抗爭大把同理念嘅好女仔」、「無國何以有家」；有人更直言：「咁大個都唔識諗，國難當前兒女私情梗係行埋一邊」。

惟有人認為女朋友比較重要，因為「所愛嘅地方住咗所愛嘅人」；有高手就教路指，「如果你仲愛佢，可以唔使答成咁嘅，你咁答係人都唔開心啦，你話佢最重要，所以先要保住香港，唔係就冇未來。啲女先受」，希望樓主可以留住女友。

（連登討論區）