平胸港女要買36C胸圍 店員看穿勸阻 經理霸氣趕客：唔做你生意
俗語有云「無咁大個頭就唔好戴咁大頂帽」，但一名在胸圍店工作的網民投稿指，早前遇到平胸女顧客要求試穿36C胸圍，店員看穿對方身材而勸阻，詎料女客堅稱自己能穿36C，又炮轟樓主服務態度差，當場要求向經理投訴。經理見狀，向樓主表明該女客人「入咗黑名單，唔做佢生意」，其後經理更當面向對方稱：「我哋公司唔歡迎你呢啲咁冇品德嘅顧客，請你離開。」
網民對事件有不同反應，雖然有人指客人態度欠佳，但更多人批樓主及經理無理趕客，「人哋鍾意買咩尺寸咪買咩尺寸囉，就算唔啱咁又點？點解唔賣？」。亦有人分析可能客人過往曾無理投訴或搵着數，所以店方也怕了她。
下載「香港01」App ，即睇城中熱話：https://hk01.app.link/qIZYuEC5LO
有網民上月底投稿至facebook專頁「西客之道 Hispitality Secret」，指當日一名平胸港女入店，表示「我要36C」，但樓主發現其身材並不適合，循例詢問是否自用，「如果幫人買，最好叫你朋友親身嚟試喎」。但對方隨即發難稱「而家我唔着得36C咩？」，又指店員服務態度差，要求見經理和投訴。
樓主暗忖「無咁大個胸就唔好戴咁大個胸圍」，依言向經理報告，但經理該名女客人已被列入黑名單」，叫樓主「温柔地趕佢走」。樓主遂向女客表示己經與經理商討過，認為店內無產品適合她，「36C都係留返畀合適嘅人戴啦。順帶一提，童裝部喺樓下嗰層」。女客聞言即在店內吵鬧，迫使經理出面稱「公司唔歡迎你呢啲咁無品德嘅顧客，請你離開」。女客離開前揚言投訴，同時會在網上將該店寫衰，樓主則盛讚經理霸氣。
網民對事件意見兩極，有人批評樓主及經理確是態度欠佳，「邊個話買胸圍一定要啱尺寸？唔畀人裝假狗㗎？你當場踢爆人，人哋惱羞成怒就爆㗎啦」；亦有網民關心港女因何事被列入黑名單，認為如果事件屬實，該名女客人應做了很多過份的事。
（fb專頁「西客之道 Hispitality Secret」）
【第一屆武博】眼界．決定境界！5月3至5日在九展舉行的第一屆香港武術及搏擊運動博覽（武博），活動包括解構武術電影的光影武林隧道、有趣好玩的武館街遊戲，以及超過100個體驗班，讓市民、初學者或武術專家，透過這個多元化體驗型博覽會，從武博擴闊眼界、提升境界！