天虹小學暑期作業形式太Open？　校長：唔想學生為做而做

曾經拒絕參與小三TSA及協助拍攝ViuTV節目《同2047特首上學去》、而被網民讚揚態度開明的浸信會天虹小學，最近因暑期作業形式不限，被質疑可能家長引起壓力，也有人可以「hea做」等問題，於網上引起熱議。該校校長朱子穎接受《香港01》訪問時指，不想學生「為做而做」暑期作業，如同學欠交功課也不會受罰。

天虹小學暑期功課通告在網上流傳，內容是要求學生於《暑假的快樂時光》或《我的夢想》兩個題目中二擇其一，形式不限，可以攝影、短片、網誌及科技發明等，有人質疑家長可以「請槍」拍片，又或是只「在fb打卡打感想當作業交」。

不想學生「為做而做」

校長朱子穎表示，學校今年為第一次轉換暑期作業形式，因校內老師認為，暑期作業是「為做而做」，未能明確反映學生「做咗暑期作業就好咗」，反而這類開放式習作，可以提供多方面學習機會，「同學仔去完海洋公園，舊歌新詞唱出嚟又得」。他認為即使學生只是唱歌仔，亦可訓練其音樂及中文能力。

暑期作業「唔係大家喺度鬥好」

「我哋學校好貼地，玩改歌、玩爛gag，好貼地」，通告一傳出，有人擔心攝影、拍片類功課，會令學童有更大壓力，更怕有家長因為「唔輸得」而催谷子女弄大製作。朱子穎強調該校學生做功課「唔係大家喺度鬥好，而係學會表達同分享」，該校家長亦深明及接受學校體驗式教學課程安排，故不會如坊間所言「請槍」做功課。

如果學生拒絕做功課又如何？朱子穎指，學校早已取消懲罰制度，暑期功課亦不會計分，若同學欠交功課，「就無咗個同同學分享嘅機會」。