珍珠奶茶師傅招聘告示寫明「企鵝免問」　網民齊估咩意思

不少行業都有自己一套術語，外行人難以理解。近日網上瘋傳一則珍珠奶茶師傅招聘告示，寫明「企鵝免問」，令一眾網民討論「企鵝」的意思。負責人向《香港01》表示，行內一直流傳「企鵝」一詞，意指「企喺度懶懶散散」。除「企鵝」以外，還有行內術語「機師」，代表「放飛機」，即答應過返工最終卻沒有出現。

下載「香港01」App ，即睇城中熱話：https://hk01.app.link/qIZYuEC5LO

近日有網民將招聘告示上載至facebook群組「元朗吹水區」，告示寫上「誠聘珍珠奶茶飲品師傅」，留下聯絡方法，同時寫明「企鵝免問」這特別要求。帖文引起多名網民討論，研究「企鵝」的意思。網民留言作出多個猜測，包括「企喺度，咩都唔做」、「係企喺度仲要『鵝』」，亦有人笑稱可能「因為香港天氣太熱唔適合企鵝」，所以不聘請動物企鵝。

負責人回覆《香港01》查詢時證實網民解釋，指行內有不少術語，包括「企鵝」，意指「企喺度懶懶散散」，他更指「請到呢啲就激心」。另外亦有其他術語如「機師」，解作答應過返工但「放飛機」沒有上班的員工。

負責人又說，有不少人見工，但由於「我揀人、人揀我」，所以至今仍未請到師傅。他又指公司願意提供月薪1.7萬至1.8萬元，一星期工作6日，每日工作10小時，在元朗返工，希望師傅有數年製作珍珠奶茶的經驗，沒有其他特別工作要求。

（綜合）