王國興返老還童？　網民翻舊節目驚見成頭白髮

電影《奇幻逆緣》男主角Benjamin Button，年紀愈老樣子卻愈年輕。有眼利網民翻看1997年的無線節目，發現工聯會立法會議員王國興當年穿著恤衫西褲、滿頭白髮，樣子竟較今日更「成熟」。
網民形容，王國興就如香港的Benjamin Button，「後生時仲老過而家」，王國興向《香港01》記者憶述，當年為予市民較佳觀感，遂染黑頭髮，更指太太十分喜歡其新形象，「覺得我後生咗」。

格仔恤衫、牛仔褲、黑髮齊瀏海，幾乎已成王國興的個人標記。近日有網民翻看1997年的《星期日檔案》，驚見時任市政局議員的王國興，當年竟是三七分界、恤衫打呔、滿頭白髮，網民紛紛表示震驚，更有人留言問「同一個人嚟㗎？」

王國興：食得防腐劑多​

當年48歲，反而比現在67歲看起來更「老餅」，王國興回覆《香港01》時，笑言「食得防腐劑多囉」。他稱當年有人向他提出，黑髮予人觀感較佳，遂將頭髮染黑，「染髮染咗好多年啦」，加上現時須經常落區工作，遂捨棄斯文形象，改穿格仔恤衫、牛仔褲，亦不再「GEL頭」。他稱太太十分喜歡其新形象，更親自為他設計髮型，「唔似以前咁死板……（太太）覺得我後生咗」。

點解著格仔衫、牛仔褲？

王國興續解釋，當選立法會議員後落區服務範圍較廣，「要揹好多嘢，背囊嗰啲，件衫好易皺、一冷一熱好易出汗，格仔衫睇落冇咁皺」。他續說，因牛仔褲不似西褲要熨，為爭取更多時間工作，遂改穿牛仔褲，「我嘅裝束係格仔衫、牛仔褲、波鞋、背囊，必不可少」。

提提你，有關短片長約半小時，想睇王國興「老餅」樣，可由24分47秒開始。