【有無咁癲！】阿姨帶孫仔屎片要求又聞又試味　診所護士嚇窒堅拒

相傳越王勾踐曾嚐糞診症，分析吳王夫差有何病痛，今時今日香港竟發生食屎試味離奇事件。有診所護士指曾遇瘋狂阿姨，求醫時取出愛孫前一晚的糞便尿片，聲稱「隔住條片都聞到啲屎酸」，惟兒子媳婦都聞不到，她遂要求護士又聞又食試味，護士拒絕稱「長期鼻敏感有鼻塞問題」，又訛稱要新鮮屎才可試味，沒料阿姨靈機一動，竟認定兒子媳婦或有鼻敏感，稱下回要他們食孫兒新鮮屎試味。

下載「香港01」App ，即睇城中熱話：https://hk01.app.link/qIZYuEC5LO

【周五心意運動】您捐一封$50利是，已可為基層送上溫飽，01心意呼籲您支持【食德好】，每$50可為12個家庭提供一餐回收蔬果及食物
 

facebook專頁「診所低能奇觀」管理員今日上載內容指，有一名阿姨走到診所登記處，詢問管理員「姑娘，可唔可以借你個人嚟用吓呀？」管理員心知有異，即時答「唔可以…你要睇醫生嘅，我可以幫你登記」，但阿姨指「我唔使睇醫生呀，我想借你嚟用吓咋嘛」，管理員再答「你唔係睇醫生嘅，我應該冇咩可以幫到你」。

阿姨沒有理會管理員，伸手入手袋，一邊取出一包尿片放上枱面，一邊說：「我梗係知你識先走嚟搵你啦，你幫我聞吓佢有冇酸呀」，更嘗試打開尿片，管理員即時叫停，詢問是否內藏糞便，阿姨回答「我個孫噚日屙埋唔少…我噚日隔住條片都聞到啲屎酸啦，我個仔死都話冇喎，個新抱又係咁講喎！咁噚日你哋好早收工我拎到落嚟，見你哋熄晒燈囉，咪留到而家囉，你聞吓呀」。

管理員指「唔駛聞㗎，如果小朋友有咩唔舒服，你哋直接帶小朋友嚟睇醫生就得㗎啦…你塊片掉咗佢啦」，阿姨再三要求護士聞屎，「唔係要嚟睇醫生呀，係我唔順氣咋嘛，有咩可能唔酸啫。我明明聞到係酸嘅，屋企得個仔同新抱喺度，冇人企我嗰邊㗎啦，你聞吓係咪真係酸先呀」。

為打消阿姨要求聞屎的古怪念頭，管理員自稱「長期鼻敏感有鼻塞問題」，阿姨一臉茫然續問「咁…你食唔食到味㗎？」管理員答「唔好玩啦，我唔食屎㗎」，對方解釋「我冇要你食呀，試吓味咋嘛，聞唔到咪試吓酸唔酸囉」。

管理員誓要擊退阿姨，續稱隔晚屎會變味，訛稱「要最新鮮出嗰吓先係最真嘅」，阿姨望着尿片想了想，再問「咁下次我係咪應該即刻試咗先呀？」管理員不敢胡亂回應，阿姨自說自話：「咁都有可能係我個仔同新抱都有你嘅問題喎，佢哋都可能係鼻敏感喎，所以佢哋就聞唔到。試應該試到呀？」再說「佢哋聞唔到酸，下次我叫佢哋試咗，佢哋就知道真係酸㗎啦，應該唔會再話係我問題啦！」最終她取走尿片開心離開診所。

這則離譜經歷的帖文引起約1.7萬人讚好，多名網民紛紛留言指「新年流流，逼人食屎」、「好玩唔玩，玩屎」、「其實最衰都係勾踐，搞埋啲咩食屎診症」、「就嚟抱孫都要考牌」。

（fb專頁「診所低能奇觀」）