消防員捱杯麵食「紅腸蒸肉餅」網民鬧爆
撰文：曾向銓
出版：更新：
牛頭角迷你倉大火燒足五日，消防員日夜出入火場，有熱心「茶記」老闆稱因為目睹消防員「捱杯麵」，因此親自煮飯送飯，令人質疑前線消防員「食乜好」，有網民上載圖片，鬧爆消防局午餐是「紅腸蒸肉餅」，直斥「消防處廚房唔係人」，也有市民拍攝到消防膳食車上確有杯麵。
麥錦輝：個別廚師煮得唔好
有網民於「生於亂世」facebook專頁上載圖片，指有消防員出勤返回消防局後，外判廚房竟然烹煮了一味「紅腸蒸肉餅」，不單賣相差，而且質疑份量是否能滿足消防員體能消耗，被網民譏為「肉碎飯」，也有人質疑是「打斧頭」。紀律部隊人員總工會副主席麥錦輝回應《香港01》時就直指「個別廚師煮得唔好，係事實」，但同時指出這情況並不多見，「遇到一個咁嘅廚師，你估（消防員）會放過佢咩？要求外判商即刻換人都得！」
麥續指，消防局的膳食由外判商負責，每個局會給錢外判商派來的廚師去買餸菜，「曾遇過好多好好嘅廚師，又煲埋糖水，好到唔捨得佢走」，認為廚師差只是個別事件。
有杯麵屬正常安排
那麼為何由消防處直接負責的膳食供應車會有「頹食」杯麵？麥錦輝表示，膳食車屬緊急供應食品（Emergency Feeding），選擇食品時需考慮衛生、食用期限、運輸、可簡單煮理等方面的問題，車上有杯麵、午餐肉、沖劑飲品等，食品雖然並非在現場買，但亦有一套恆常機制去處理，「今次喺大街大巷，隔離餐廳煮啲嘢可以熱辣辣，市民有所比較。換轉係喺大帽山，又可唔可以咁做？」
不過，麥錦輝亦很感激食肆、市民為消防員送飯送水，「好感動，好感激大家喺呢個辛苦時刻俾咁多支持」。對於外界關注消防員膳食安排，麥稱希望大家可提議出來，讓消防處有所改善。