上網搵通渠佬中伏　市民致電間間同一人接電話：唔使搵，都是我

現今網上找尋服務十分方便，惟真假難分，不少人都有中伏經驗。有網民近日大爆上網找通渠服務疑似被騙，指致電多間不同公司，卻疑似駁至同一個電話並由同一人接聽，對方第三次接到其電話時更囂張叫他不用再費力格價，因「網上都是我」。樓主其後更驚覺原來中伏者處處，不少人都遇到坐地起價，有人花足9000元才能成功通渠。

下載「香港01」App ，即睇城中熱話：https://hk01.app.link/qIZYuEC5LO

有市民在《親子王國》討論區以「小心，係網上面搵通渠佬，原來全部都係同一人」為題發帖，分享找通渠師傅的不愉快經歷。他稱曾試過在網上找不同的通渠師傅報價，但不論「湯師x」和「呂x父」，一通話時他卻發現接電話的人語氣和聲線都極為相似，至他打到第3家名為「卓x通渠」時，更被對方嘲諷：「你仲喺度周圍格價？我開畀你個價已經好平喎，你仲周圍搵？你唔使搵啦，網上面全部都係我嚟㗎，你要貪平就去搵啲街舖或者貼街招嗰啲啦……」

樓主續稱，他一氣之下就切斷電話，再上網找相關通渠資料，沒料到發現處處都是同病相憐的中伏者，大部分評價都是指經網上找到的通渠服務差劣，「通咗唔夠幾日又塞過」、「明明講咗600蚊，嚟黎到就話要整2000蚊」等等。

亦有網民分享，指原本通渠師傅開價1500元，惟其後改口稱塞得十分嚴重，揚言要在外面通大渠加至9000元。他即時致電另一師傅報價發現差不多，遂接受服務，「反正以為價錢一樣咁就通啦，點知通咗一個鐘到就搞掂，初頭又話要出去出面通大渠，佢完全唔需要，咁就冇咗9000蚊。」他更勸喻大家以後上網找通渠師傅慎防被騙，直指懷疑可能是同一集團的人。

樓主的分享引來不少憤怒的聲音，不少網民分享其中伏經歷，不少都涉及坐地起價，有網民指曾上網找師傅，最初定價1800元，後稱「好難通」加價至2500元，不出數天又塞過，最後網民找街舖師傅只花600元就搞定。

亦有網民分享，多年前同樣遇過打不同電話疑似同一集團接聽的事，認為「網上搵通渠，打幾個電話，唔同公司，都係同一個人」，最終消費者被濫收是無可避免。

不少網民訴苦，指就算明白上網找師傅沒保障也沒辦法避免，因不熟門路如要找師傅也不知道從何找起，有人稱改為通過屋苑介紹，價格或許會更貴，但塞渠不能不通，根本有苦自己知。

更有網民分享指曾有個年輕師傅爆響口，透露「網上找師傅其實都係同一間咁滯，佢老闆公司都有10幾個電話接客」，而且師傅報價按地點而定，豪宅和獨立屋報價會貴很多，更大爆有同事幫住西貢的外國人通渠，埋單收了10多萬元，更指客人反抗也沒用，因師傅們十分團結，「如果遇到麻煩客，佢哋會將個客嘅電話放上群組，等冇人接佢生意。」

（《親子王國》討論區）