全體員工火警演習　主管要求下屬無視安排繼續工作：總有人要燒死

秋季乾燥易有火災，不少公司都會安排員工進行火警演習，熟習逃生路線，但有網民近日則在facebook分享，其部門主管竟無視公司安排的全體員工火警演習，更辯稱總有人要燒死，「我哋演習呢部分就得」，即是扮「燒死」繼續工作，「主管一句，全場靜晒」，火警演習？不了，最終員工繼續工作。

下載「香港01」App ，即睇城中熱話：https://hk01.app.link/qIZYuEC5LO

有網民投稿到facebook專頁「奴工處」指，公司昨日原定有火警演習，行政部亦向所有員工發送電郵，通知全體員工必須參與。當演習時火警鐘響起，部門主管竟表示「我哋Team比較多嘢做，唔使出去啦」，有人反指「但Admin（行政部）話全公司都要參加」，試圖向主管解釋這是公司規定，並非偷懶不工作，可是主管辨稱「總有啲人要留低畀人燒死，我哋演習呢部分就得」，投稿者形容當時「全Team人啞晒繼續做嘢」。

帖文引起一眾打工仔網民討論，大家都笑中有淚，留言指「生係公司嘅人，死係公司嘅鬼」、「將奴性發揮到極致」，更有人代入主管角色指「之後team leader同消防講返工係我自由，救人係你職責，唔係要你做乜？」更有打工仔列出「返工最怕兩樣嘢︰走火警演習及轉IT System」。

（fb專頁「奴工處」）