曾幻想與好友鬥長命　連登仔驚悉對方自殺：求你返嚟，得唔得？

生老病死是人生之中無可避免的事，但即使如此，身邊有人去世還是會難以接受。有連登仔在討論區上分享，指自己第一次面對生離死別，就是同齡的好朋友自殺。樓主表示，不忿朋友未有找他傾訴，現在「每一件事都諗起佢，個腦任何一個畫面都係佢」。他更曾幻想將來與他一起工作，成家立室後子女會稱呼對方做叔叔，老了之後再「睇下邊個死先」。雖然人死不能復生，但樓主還是希望好友可以回來，「再鬥過OK？」。

下載「香港01」App ，即睇城中熱話：https://hk01.app.link/qIZYuEC5LO

近日有網民在連登討論區上以「原來身邊有人過身係一件好可怕嘅事」為題發帖，說自己近日有朋友離世，但由於過去一直都沒有面對過生離死別，「正正係因為咁，完完全全係接受唔到，我嘅第一次，竟然係同齡嘅朋友」。由於不想令朋友更加傷心，所以便把感覺寫下來，放上討論區。

樓主指離開他的是一位好朋友，「可能咁講，我聽佢把聲，係多過自己老豆老母，所以，我覺自己太了解佢」。他說自己與這位好朋友都是「鹹魚」，「冇夢想，書為讀而讀，屋企要求唔高」，不過對方則有一位讀書很叻的家姐，故十分肯定他會因而自卑，因為家人會將他與家姐比較，「久而久之壓力一定會大過我」。

不過即使朋友的壓力比自己大，「我哋機照打、街照出、飯照食，有講有笑正正常常，完全唔覺得佢有抑鬱等等」。直至一天，突然有朋友打電話通知他，說他的好朋友自殺死了，「我呆咗，因為係，自殺？？？」。雖然朋友自殺去世，但樓主感受到的不只是傷心，更是憤怒，「有嬲佢，有嬲自己，X你老X做乜X？你當你身邊嘅人係死嘅？唔識做樹窿？」。樓主又提到，自此之後，「每一件事都諗起佢，個腦任何一個畫面都係佢，好可怕」。

樓主指他曾經想過，與朋友將來讀同一科，畢業後又可以在同一間公司工作，結婚時會做伴郎兄弟，成家立室之後會帶小朋友到他家拜年，叫他做叔叔，直至最後變老，「睇下邊個死先」。但現在，樓主對未來的想像都已經變成幻影，概嘆「我輸咗啦，X你個X街。求你返嚟，得唔得，再鬥過OK？」

不少網民在帖文內留言，分享自己的經歷，指自己都曾遇過朋友離世，勸勉樓主不用太過自責，畢竟他的朋友自殺也是他的決定，樓主沒有錯，「雖然可能走得好急，好無交帶，但係你都要理解佢嘅決定」。

（連登討論區）