「雪櫃有一隻屎？」網民齊齊分享父母錯用Emoji笑話　爆笑又溫馨

Emoji可愛又實用，長輩們都特別愛在傳訊息時加入公仔表達心意，不過當中卻鬧出不少笑話。有網民近日在連登討論區以「一人一個老竇老母錯用emoji系列」為題發帖，指爸爸傳訊息時竟以「一舊屎」的Emoji代表糭，令她大感無奈。拋磚引玉下，其他網民都分享跟父母溝通時的趣事，有媽媽每句對話都要加上貓貓的公仔，又有人誤會了流口水的Emoji是「想死」的意思，帖文爆笑得來又溫馨，「佢哋對於Emoji嘅理解真係會嚇你一跳」。

下載「香港01」App ，即睇城中熱話：https://hk01.app.link/qIZYuEC5LO

有女網民在連登討論區上載一張對話截圖，顯示其爸爸傳訊息稱「女雪櫃還有一隻」，在句子的最後卻加上一舊屎的Emoji，令樓主哭笑不得，並回答「老竇呢個係一舊屎」，爸爸隨即回應「老豆睇錯咗，雪櫃有一隻糭」。樓主在帖文還說「好玩唔玩，你竟然玩屎」。

帖文一出引起連登網民熱議，不少人都分享父母用錯Emoji的笑料。有網民回應指，「原來我老豆都叫過我食屎」，指父親以為那個Emoji是雪糕的意思。有人則貼圖指，媽媽跟他透露家姐與另一半分手時，竟附上兩個流口水的Emoji，原來她誤會了公仔的意思，「這個是想死公仔，唔係咁意思？」另有網民指，其媽媽向懷孕3個月的家姐說「加油」時，失驚無神加上粗口手勢舉中指打氣，令家人大驚「媽咪你用錯手指呀」。

不過有網民就大讚父母的Emoji用得精準，只是非常頻密，「我老豆好鍾意用OK，一日用十次起碼」，又指他們很喜歡用「好驚訝」、「頂唔順」的樣子。另有網民媽媽很喜歡每句對話後都加上貓貓公仔，「唔係用錯，不過好可愛」。有人則洋洋得意表示，阿媽經過其多年教導下，用Emoji已經出神入化，連「幸災樂禍」的假笑公仔都用得非常合適。

帖文爆笑之餘，亦同樣溫馨。樓主其後分享指，早前工作很忙碌，即使爸爸每日傳訊息來噓寒問暖，也忘記回覆，直至爸爸突然叫錯女兒，說了一句「老婆屋企有湯得閒就飲」，令她當場醒覺，隨即放下手頭工作回覆，「佢係真心還是假膠想我理下佢，嗰刻我分唔清，雖然佢做埋啲野好X，又鍾意無限單機，但我愛你啊爸爸」。