曾為家人放棄理想　27歲巴打辭職追電影夢　網民撐：後悔好過無做

年輕人追夢說來容易，但不是每個人都能毫無負擔地踏上喜歡的路。一位27歲的網民近日在連登討論區，分享自己為追回以往的夢想，而毅然辭職的故事。他指9年前因家庭問題沒有繼續升學，投身社會，但最近執拾舊物時發現中學時期的珍藏，想起其電影夢，因而毅然辭職，給自己3年期限重新追夢。帖文引起網上熱議，不足一天已有近5000個讚好，不少巴打絲打都留言鼓勵，「27歲男仔仲未算大，快啲追返失去嘅時間」。

下載「香港01」App ，即睇城中熱話：https://hk01.app.link/qIZYuEC5LO

這名連登巴打昨日（18日）在討論區發文，指自己今年27歲， 18歲後因家庭問題，沒有繼續升學，要出來工作養家。他透露自己出身單親家庭，需要照顧患病的媽媽，還要找街數，當時弟弟亦正在求學階段需要供養。

直至今年初，樓主弟弟可以半工讀，街數又找完，媽媽身體情況有好轉，「我終於冇嘢困身」。他指，早幾日執拾時，找到中學時代的珍藏，「幾個劇本，一部DV機，開返張SD卡嚟睇，我真係喊咗出嚟」。樓主感嘆道，「我咁多年嚟，都遺忘咗自己嘅夢想，我搵返嘅係當年雄心壯志，對未來充滿夢想嘅自己，我一直想做關於電影嘅嘢」。

在回憶的驅使下，樓主跟媽媽坦白自己所想的，並指將會辭職追夢，結果媽媽的反應正面，「佢同我講咗句對唔住，同我講咁多年嚟辛苦咗我，浪費咗我咁多時間，我同佢講，唔緊要，我會追返嚟的」。

最終樓主昨日正式辭職，「可能你會覺得我好傻，呢個咁尷尬嘅年紀追夢好不切實際，但我唔想畀自己嘅人生有遺憾」，又指分享出來希望可以給予更多正能量，鼓勵大家有夢想就勇敢去做，當然都要考慮自己的能力。他指，給自己3年期限去嘗試，「呢個期限之前沒起色我就會完結呢個旅程」。樓主其後補充指，自己考慮過能力及客觀環境才做出這決定，家人都很支持，他最想發展的範疇是編劇，其次是導演。

帖文引起熱議，不少網民都留言撐樓主的決定，「做咗後悔好過冇做」、「要令自己短暫嘅人生活得精彩無悔」，另有人感到共鳴，「睇到有啲心噏，巴打真男人」，有網民則分享自己的故事鼓勵他，「上年28歲辭咗份manager（經理）級嘅工作去外國restart人生都係咁」。不過亦有人着樓主考慮現實，「坦白講，電影圈好難3年就捱出頭」，又指如果家人再有事，經濟問題如何解決。