【煙民的煩惱】屋企食煙都唔得？　私樓發通告：濃煙影響附近業戶

不少公眾地方實施禁煙，煙民只能躲在家中吞雲吐霧，惟原來在家吸煙也隨時會被干涉。大角嘴有屋苑住戶上載管理處通告，指有住戶在寓所吸煙「濃煙影響附近業戶」，籲避免對其他人造成滋擾。不少網民認為要求無理，怒斥「自己屋企唔食得」、「放屁都唔好臭親人」，亦有人反駁指只是溫馨提示，叫當事人好好檢討。

下載「香港01」App ，即睇城中熱話：https://hk01.app.link/l7U1Y7t5LO

現場為大角嘴私人屋苑凱帆軒，近年屋苑管理及保安分家，由兩間不同公司負責，管理公司處理住戶投訴作出跟進，包括以「服務中心」名義發出通知。

有網民表示近日收到屋苑WhatsApp群組轉發圖片，遂分享到facebook群組「巴打絲打 Facebook Club」，圖片顯示凱帆軒服務中心上月29日向第1座19樓住戶發出通告，指「近日服務中心接獲業戶反映，有業戶在19樓單位內吸煙，濃煙影響附近業戶」，為此通知住戶留意，以避免對其他住戶造成滋擾，亦希望住戶「共同保持清潔、舒適及安全的居住環境」，英文版本內容大同小異，用「smoke」形容二手煙，上載者抱怨「自己屋企食煙都唔得」。

有關通告引起網民熱烈討論，有人認為通告內容無理，留言指「發瘟！叫佢閂窗開冷氣囉，條街好多廢氣添」、「屋企食煙都唔得，投訴個嗰戇X，出信個嗰仲戇X」，更有人指「再過一排，屎都唔畀痾，屎味太濃郁，影響附近住戶」。

亦有網民認為不需對通告內容反應太大，「都冇話唔得，只是叫你留意番，唔好影響其他租戶。搞到要收信，自己檢討下先啦」、「你喺屋企大聲聽歌一樣可以被人投訴。明唔明？」更有人指有煙民「為免影響家人，就喺窗口邊食…咪影響到隔離囉⋯要食咪喺自己屋入面食囉」

亦有花生友笑稱慧眼發現到通告有亮點，笑言「濃煙？要食幾多先可以達到呢個等級」、「濃煙？你放火啊」、「可以報得消防」。

凱帆軒服務中心發言人回覆《香港01》表示，收到投訴指在「19樓走廊都聞到」，但不知哪個單位，所以發出通告提醒住戶切勿對其他人造成滋擾。

（fb群組「巴打絲打 Facebook Club」）