老師嚴改小一生詞語功課　網民熱議：磨滅學習興趣VS要求高好用心

開學一個月，不少學生已開始埋頭苦幹做功課和溫習，但付出心機不一定換來讚賞。昨日（28日）有網民在facebook群組「不願小朋友成為功課奴隸」上載朋友兒子的功課相，表示小朋友剛升小一做中文科的寫詞語功課，但無論他寫得多整齊，仍被老師連番捉到細節上的錯處，要求他跟足老師的寫法改正，小朋友更做到垂頭喪氣。不少網民認為老師做法不當，不但令小朋友覺得寫字好痛苦，更會減低學習動機，但有網民不認同老師矯枉過正，反指老師要求高好用心，在每個字旁「註明寫錯啲乜」。

下載「香港01」App ，即睇城中熱話：https://hk01.app.link/l7U1Y7t5LO

網民楊小姐接受《香港01》查詢時表示，她的朋友有2位兒子，分別是讀小一的弟弟（6歲）和讀小五的哥哥（10歲），他們在同一學校就讀。弟弟正適應新學校的生活，現在每日都要做3至4份不同科目的功課。

在剛開學的9月，弟弟已做過2次中文科的詞語功課，楊小姐表示即使他落足心機寫字，但媽媽發現每次都被老師評為「乙」級，幾乎每個字都被紅筆圈起，一點一劃亦被指不符合老師的標準，然後老師用紅筆示範一次正確寫法，並要求每個詞語改正3次，弟弟更向媽媽稱全班同學只有一個不用改正。

楊小姐稱她的朋友非常無奈，「媽媽本身要求都高，所以第一次做詞語功課時都擦了好幾次重寫，小朋友先寫得咁工整，但仍然滿足唔到老師。」她指這名女老師新入職不久，朋友因為不理解老師的做法，曾致電聯絡該名老師詢問。老師沒有深入回應，只答：「多謝你話畀我聽有啲咁嘅事發生，我會留意一下。」

楊小姐透露，弟弟及媽媽也因為此事而感到不開心，哥哥看見弟弟需要連番改正，更為弟弟感到心痛，「要小朋友每個生字改正咁多次，等同重做整份功課冇乜分別。」她解釋說：「一般小朋友對於老師改簿，不論交叉、一剔一點或者用紅圈，其實都知道老師話緊佢做錯，即使老師只係提點，但係小朋友心裏面嘅感覺始終都係覺得錯咗，所以都會受打擊。」

她建議老師可以用其他方法指正學生：「其實可以喺堂上一齊教大家點樣寫好啲，唔需要每位小朋友改正咁多次，同埋我哋覺得老師依住佢自己嘅標準批改，即係唔希望小朋友有自己嘅風格，要跟足佢咁。」

楊小姐在fb群組「不願小朋友成為功課奴隸」上載朋友兒子的功課照，她表示是希望其他人看後能提出意見及建議，「希望唔係淨係我哋覺得改正咁多次有問題，同埋唔只係我哋自己覺得小朋友都好用心。」她希望老師可以調整教學方法，相信情況會因而有所改善。

照片上載後引來網民熱烈討論，不少人同意小朋友已經盡力寫字，認為老師做法過份，「其實真係寫得唔錯，冇須要改正！」、「每個老師覺得學生是打印機。」、「磨滅學習興趣」、「 呢啲叫好做唔做，雞蛋挑骨頭！」，但亦有網民支持老師，指老師做法正確要求高，「欣賞此老師好用心，一筆一筆咁寫俾小朋友跟，重要用不同顏色去表達小朋友邊啲筆畫需要小朋友注意，好用心！」

（fb群組「不願小朋友成為功課奴隸」）