中秋節玩熒光棒拋上樹　被斥破壞環境　家長懶理：小朋友係咁㗎啦

除燈籠及蠟燭外，熒光棒亦是很多小朋友的中秋節應節玩具，不過近年市民重視環保，當發現熒光棒含有毒化學成份會污染環境後，部分市民已決定罷買罷玩。不過有網民昨外出賞月時發現，有小朋友竟把熒光棒拋上大樹，形成「熒光棒許願樹」，當他向家長提出小朋友做法會破壞環境時，對方竟以「小朋友係咁樣㗎啦」回應，令該網民相當不滿。

下載「香港01」App ，即睇城中熱話：https://hk01.app.link/l7U1Y7t5LO

該網民昨晚於facebook群組「巴打絲打 Facebook Club」發文，稱「玩熒光棒已經好破壞環境㗎啦……但將佢拋上樹上面又係咩玩法？許願樹啲Friend？啲家長好似覺得完全冇問題咁…」。樓主上載的相片可見，公園內其中一棵大樹上掛有不少弄成圓圈的熒光棒，猶如「許願樹」，樹下有多個賞月慶祝的市民，亦有小朋友拿着熒光棒玩耍，其中一小朋友更舉手跳起，似是想將物件拋到樹上。

樓主稱，當時他已向在場的家長表示「咁樣好似唔係幾好喎」，惟對方並不認為做法有問題，更稱「小朋友係咁樣㗎啦」，令他感到相當不滿。他將相片上載至fb群組後，引起網民熱烈討論。

有網民看到相片，直指相關家長不負責任，形容行為猶如容許子女亂拋垃圾，「小朋友咁樣家長唔出聲，已經係好有問題」，「難為幾十歲啲清潔工仲要爬上樹執」，「源頭減廢，首先要減走呢啲廢家長」。

不過，亦有網民認為小朋友難得享受節日氣氛，玩熒光棒只是「一年一次」，不應過分嚴厲批評有關行為，「係有啲唔環保，但一年一次其實係咪真係對環境咁大影響」，但相關留言即被其他網民反駁，稱「節日放肆一下俾啲小朋友開心一下，所以可以扔晒啲螢光棒上樹，有冇諗過清潔嗰個嘅感受」，「只能夠說辛苦晒清潔人員，山竹啲手尾都未清完又要幫班細路清理佢地短暫嘅歡樂」。

（fb群組「巴打絲打 Facebook Club」）