【山竹過後】父親連返28個鐘鋸樹仍被投訴　樓主不忿大呻：停啦

颱風「山竹」吹襲過後，各區滿目瘡痍，塌樹垃圾隨處可見，不少清潔工人都捱更抵夜清理雜物，只為盡快還原街道面貌。有連登網民卻表示，做屋邨維修的父親由開始掛八號風球一刻至「落波」時都在上班，沒料到他「返咗28個鐘頭工鋸樹，都仲畀人投訴」，令他心感不忿遂發文抱怨。
帖文引起網民熱議，不少人都留言支持樓主父親，對他表示尊敬，又大罵投訴的人相當自私，「乜都顧自己，乜都投訴」。

下載「香港01」App ，即睇城中熱話：https://hk01.app.link/l7U1Y7t5LO

昨晚（17日）是颱風「山竹」吹襲過後的首晚，不少人都忙於清理滿是塌樹的街道，怎料有人卻已在此時投訴不斷。有網民在連登討論區發文，指父親工作是屋邨維修，「一掛八號波就返工，『standby』鋸樹」，做到無停手直至「落波」一刻才收工回家，但卻仍未能休息，「返嚟沖涼就繼續返工，繼續鋸樹」，總計「返咗28個鐘頭工鋸樹」，相當辛苦。

惟有屋邨居民卻未有對此體諒，更反過來作出投訴，令樓主替父親大感不值，直言他「平時收工前喺垃圾房抹身都俾人投訴」，而颱風過後的「非常時期」已落力工作，惟「返仲（咗）咁多個鐘都仲要投訴」，不禁大呼「停啦」。

帖文旋即引起網民熱議，短短一日內已獲得近3800個好評。不少網民都對樓主父親的付出表示尊敬，有人認為「次次打完風清潔工都係最辛苦」，「辛苦晒各位係前線一直付出嘅人」；樓主亦有回應指父親「做得呢行預咗（辛苦）」，但「明明已經好盡力，做到好攰」，卻仍「聽到畀人鬧，畀人投訴」，難免感到心灰意冷。

同時亦有人分享類似經歷，指出「全香港咁多冧樹」，「要人一晚之間橫風橫雨下清理晒」實屬無理要求，大鬧投訴者相當自私，直斥「香港人嘅自私性格先係最大嘅災難」；另外亦有網民關心樓主父親的健康狀況，擔憂他「連續要返28個鐘鋸樹好易有意外」，建議他「慢慢鋸，安全之（至）上」。

（連登討論區）