【颱風山竹】打風照做司儀　新人備車接送　森美：驚險但唔危險

強颱風「山竹」襲港破壞力驚人，惟惡劣天氣無阻真愛，有新人堅持婚宴不改期。著名商台節目主持兼金牌司儀森美，昨晚冒險出動做婚宴司儀，他稱已評估安全，亦希望為新人帶來歡樂，故趁風勢較弱時冒險外出前往婚宴場地，他稱見證真愛零加價，賓客雖然少一半，但新人摰親好友都有出席，婚宴風雨中順利舉行，場面溫馨。

下載「香港01」App ，即睇城中熱話：https://hk01.app.link/l7U1Y7t5LO

廖先生與女友拍拖數年，早前求婚成功，昨晚在旺角上海街555號香港康得思酒店舉行婚宴，廣邀親朋戚友出席，並邀請森美擔任婚宴主持，據了解主人家在天文台昨凌晨發出8號風球前已經入住酒店，即使隨後改發10號風球，主人家及酒店職員均無需擔心交通問題，婚宴如常舉行，新人並貼心地安排車輛接送森美。

森美將昨晚乘車前往酒店的情況拍成短片，上載至社交網站facebook個人帳號，片中可見沿途很多塌樹，原本3條行車線只剩餘一條可以讓車輛駛經，交通燈亦熄滅，更有的士車內無人停在路中，有輕微損毀，懷疑因水浸拋錨所致。接送的司機根據Google地圖行車，森美則協助司機留意路面情況，當駛至一棵大塌樹附近時，森美亦苦中作樂形容「嘩，呢個樹林咁喎，我哋進入咗」。

森美向《香港01》表示，出發時正值天文台從10號風球改發8號風球，風勢及雨勢雖然已經減弱，其實「唔去都得」，不過他估計一場喜事遇上颱風，新人難免會不開心，評估過安全加上感激主人家賞識邀請擔任司儀，故最終決定如常出發，他指沒有因颱風而加收主持費用，希望為新人及親友帶來歡樂。

前往酒店途中，森美形容四周情況「好似《The Walking Dead》（港譯《行屍走肉》）入面啲死城咁…...有少少驚險…...感覺有啲恐怖，但冇實際危險。」抵達酒店後他留意到賓客減少一半，但「（新人的）屋企人、好朋友都有到…...嚟親嘅人都係最熟嘅朋友同（住）附近嘅朋友…...場面好感人好感動」，氣氛「好溫馨好有感覺，大家喺風雨當中可以走埋一齊…...係好難得嘅機會。」

森美亦分享在颱風時主持婚宴的小秘訣，就是可以多提颱風，例如「打風都打唔甩」，他指這話「唔係（形容）一對新人…...係（新人）同親友之間嘅情。」他又笑言今次強颱風山竹原本前身叫「榴槤」，而山竹及榴槤本身是夫妻果，故他特別在婚宴上提及今次颱風是夫妻風，「是應風應景嘅好說話」。

（森美fb）