港男細膽過份驕縱港女做公主　連登仔呻：依家啲人識唔識拍拖？

拍拖的學問果然一世都未必學得完！近日有網民在討論區大呻現時情侶「唔識拍拖」，指出大部份港女比較自我中心，又有公主病，非常難纏，但港男往往因為膽小而選擇繼續縱容港女。他又指大家的錯誤愛情觀就形成一個惡性循環，令香港普遍男女拍拖時的相處出問題。有不少網民大讚樓主說法有道理：「終於有人講人話！」

下載「香港01」App ，即睇城中熱話：https://hk01.app.link/l7U1Y7t5LO

該網民日前在連登討論區發文表示，發覺現時大部份港男港女都不懂拍拖為何物，他先指出港女大部份都以為自己真的是公主，「脾氣又差，又無責任感，講兩句又發曬爛渣」，他批評港女極度自我中心，「以爲個世界係圍繞自己轉，二十幾歲話題仲係講飲飲食食去旅行，同個16、7歲既𡃁妹無分別」。

不過，樓主同時又不忿港男處處遷就港女，「個個好似做狗公咁，乜都就晒個女仔，有咩問題唔會出聲講」。他亦表示「人係需要管，見到有啲咩做得唔好係應該需要出聲畀佢哋（港女）知道，而唔係容忍。」

他解釋拍拖是種對等關係，應多點關心對方，甚至要「鍾意對方多過自己」，又直指內地女生各方面都勝港女一籌。不過樓主最後稱希望港女能成熟點，改善自己的做人處事態度，嘗試設身處地考慮別人的感受，同時港男不應任由被另一半控制。

大部份網民都贊同樓主的言論，「樓主突破盲點」，但同時又稱「乜都就晒對方嘅話個人自然會冇咗自己，變得唔吸引」。有人表示很多時大家選擇伴侶時，其實都以樣貌為首要條件，當部份港女自覺條件好，就會只懂站在高地看別人，港男亦會心甘情願受人控制；反而性格好但樣貌一般的女生，港男就不珍惜又嫌棄。

但又有網民稱，樓主太過計較付出及回報，這樣的拍拖模式很辛苦。樓主即回覆：「男女朋友大家都有責任提醒對方，大家互相遷就。」不過有人亦表示拍拖是門非常困難的學問，若果與另一半相處不快，倒不如自己一個更開心。

（連登討論區）