21歲囝囝月入1萬多　父索$6000家用多唔多？　網民：女都溝唔到

給多少家用是為人子女的世紀難題，金額沒共識隨時釀成家變。有男網民昨在社交網站發帖指21歲兒子正做學徒，月入1萬多元，於是叫他給6000元家用，即佔收入約六成，其子埋怨「人生無晒娛樂無錢使」。樓主詢問其他網民，自己所索的家用金額是否合理。

下載「香港01」App ，即睇城中熱話：https://hk01.app.link/l7U1Y7t5LO

有網民形容不合理，更有留言分析「一個月得返4000幾，未計交通食飯，女都溝唔到，點結婚？」；但亦有人支持樓主，指「包食包住包打掃…唔滿意咪自己搬出去囉，睇吓6000夠唔夠」。

該名男網民於周三（9月5日）在社交網站facebook專頁「巴打絲打 Facebook Club」發帖，指「我個仔學徒21歲搵1萬鬆啲，我叫佢畀6000蚊家用，合理嗎？」，又覆述兒子回應指「畀完家用，人生無晒娛樂無錢使」。帖文引來共逾2200個「讚好」或「嬲嬲」等、逾2400個留言及超過130人分享。

有網民質疑樓主收6000元家用的目的，指「俾6000你，你點用先？另外你又有冇諗過你個仔夠唔夠用？咪咁自私啦」、「你要佢個6000用來做咩先？如果有合理用途，幫佢儲起或者投資，就有道理，否則，完全無理由要比咁多你」。

亦有網民分析指「儲錢、交通費、電話費、保險、食嘢，樣樣都係錢。6000真係好過份，唔係話唔畀而唔會畀咁多囉，畀咁多你，拎得去儲又冇得去玩…」、「嘩！咁多，自己個仔唔X使使？食飯搭車溝女都要錢啩」、「其實人工嘅三份之一已經好夠啦！你個仔都要買吓衫見吓人，唔通叫佢好似機械人咁每日返工放工返屋企，冇朋友冇見識咁嘅生活你都唔想啦！」；更有網民反問：「佢10歲嗰年，你有冇畀10萬佢？」

更有與樓主兒子近似年紀的學徒指「畀5000，每個月仲要儲錢同久唔久出街購物、上網買嘢，認真唔係好夠使」。

但亦有網民支持樓主，指「養到咁大，包食包住包打掃，6000 ok啊。唔滿意咪自己搬出去囉，睇吓6000夠唔夠？都咁大個人，仲乜都唔使負擔，係害咗佢，你一蚊都唔收，佢又咪係個個月清袋？你個仔成年人，你要養到佢4張（意指40歲）？」；更有人指「出去租金水電食都唔只呢條數啦，咁大個人，唔通要個老豆老母老奉養你咩？」。

樓主再度解釋「其實我都係幫個仔儲錢，有咩問題？又唔係自己用晒佢」、「仔仔個個月使晒啲錢，不如我幫佢儲，第時急需都有用」，而且「溝女講感覺不要談錢」，又稱「我同個仔講咗，結婚幫佢比晒所有費用」。

（facebook專頁「巴打絲打 Facebook Club」）