港媽斥大快活員工食飯唔讓位　網民唔撐反批：飲食業都有用膳權利

飲食業員工每天工時極長，吃飯時或需留在餐廳內。惟剛好撞正用餐高峰期，則隨時出現尷尬情況。有網民昨日發文投訴，指中午到大快活用膳時，看到有員工飯後仍霸着座位「睇手機」，無視自己推着嬰兒車並帶着兩個小孩在旁邊等位，令她大感不滿。
不過留言卻似乎一面倒鬧爆發文者，指員工亦有食飯權利，斥她不應自恃顧客身份以為自己「永遠是對的」；而且相中員工一旁仍有兩個座位，直指她本可「好聲好氣咁問人」，狠批其放上網引人公審做法離譜。

下載「香港01」App ，即睇城中熱話：https://hk01.app.link/l7U1Y7t5LO

昨日（5日）有網民於facebook群組「屯門友」發文投訴。她表示不時都會聽到朋友大讚，位於屯門市中心的大快活服務良好，「幫你拿餐又見（你）推BB車幫你搵位」；但當自己光顧時，其經歷卻令她心感不忿。

樓主指自己每次光顧都「爆曬（晒）位」，本來認為若服務良好，「生意好（都）應份」。惟有次中午12點到達時，卻發現「員工食飯都霸咗3張4人枱」，而且「食完飯仲要霸住位睇手機」，無視一旁「推住bb車帶兩個小朋友」、並且已站着等位5分鐘的樓主，令她諷稱「呢個態度真係佩服」。

從樓主上載的照片可見，兩位身穿大快活制服的員工正如樓主所述在按電話，不過枱上餐點仍然有剩食，而且旁邊還有兩個空位，亦未見樓主指的另外2張4人枱。

帖文旋即引起熱議，不少人都留言狠批樓主，指她帶着小朋友便「以為自己大晒」，無視飲食業員工用膳權利，同情他們「食飯時間都要畀（俾）人當批鬥座公審」，反問她「你叫佢哋坐邊度食啊？後巷啊？」同時更指出員工一旁仍有兩個空位，而且「碟飯都未食完」，質疑樓主為何不「好聲好氣問人搭枱」，直斥她「你唔出聲人哋點知你一個定四個等位啊」，認為她應將心比己，「大不了可以唔食，而唔係要剝削人去滿足妳想要枱嘅心態」。

專頁管理員亦有回應樓主投訴，認為「餐廳員工要食飯其實好正常」，而且「做飲食辛苦人所共知」，把握食飯時間稍作休息相當合理；更稱「圖中員工都係正常用膳，無話刻意拖長霸位」，希望縱使樓主「一家大小想快啲有位食好合理」，但亦可體諒員工苦況，「主動友善咁問下人地（哋）方唔方便」，指出「多體諒，一人行一步先係正路」。

《香港01》記者已就員工用膳情況向大快活查詢，暫時未獲回覆。

（facebook群組「屯門友」）