【童年崩壞】高達走進現實世界　竟然要幫女友拎手袋？

高達是不少男生的共同回憶，但大家應沒有想過如高達於現實生活出現，將會如何？有網民日前在街上「野生捕獲」高達，惟相中高達並非如卡通中威武，反而拿着疑似女裝手袋，令樓主不禁笑言再強大的高達，「都敵唔過要幫女朋友攞手袋嘅命運」，亦有網民突破盲點，直指「高達都係兵」。

下載「香港01」App ，即睇城中熱話：https://hk01.app.link/l7U1Y7t5LO

該網民上周六（25日）於fb群組「高達同好聚」發文，稱「再強大嘅高達，都敵唔過要幫女朋友攞手袋嘅命運」，相片中，一名穿上高達服裝的cosplayer（角色扮演者）正拿着一個疑似是女裝的灰色手袋，於一個有關高達的展覽中參觀，但相中未見任何女子，未知手袋是否屬於「女友」。

相片吸引了大批高達粉絲熱議，有網民笑稱相中高達只是「自己拎個女人手袋出嚟扮有女朋友」，亦有人指高達拿着的並非手袋，而是「新型武器」、「講唔定係神器」、「其實係手袋型流星錘」，更有人稱樓主或誤會了相中人，認為盔甲內有可能是女生，「你誤會咗啦，個手袋係佢㗎」，「可能係女機師呢」，「實情係個男朋友要女朋友cosplay高達陪佢行街街」。

有網民亦貼出類似的「野生捕獲」相片，當中另一個高達拿着黑色手挽袋，指網民笑稱他帶着一身裝備「去開工」，吸引不少「粉絲」讚好，有人更指自己與高達是「同路人」，於現實世界同樣要「返工」及「當觀音兵」。

（fb群組「高達同好聚」）