用扇蓋Pizza、食物不包保鮮紙放入雪櫃　連登仔投訴阿媽勁污糟

不少人都一定被媽媽罵過「污糟」，不過媽媽的污糟程度可能更令人吃驚，有網民在討論區貼出其母處理食物的圖片，當中可見網民的媽媽用扇蓋住Pizza，一碟蘿蔔糕亦沒有包保鮮紙就直接放入雪櫃，上面還放了一個碗，直接疊在蘿蔔糕上面。不少網民直言樓主媽媽「仲衰、懶過麻甩佬」，亦有人擔心樓主的健康。

下載「香港01」App ，即睇城中熱話：https://hk01.app.link/l7U1Y7t5LO

該網民在連登討論區以「有冇人呀媽衛生常識差到X街？」為題發文，樓主貼出多張圖片，當中可見其媽媽用扇蓋住Pizza，樓主指「一返屋企見到佢用把扇蓋住啲野食，唔知好嬲定好食，把扇直接掂到啲野食，整污糟啲野食之餘，食物啲油又整污糟把扇」，可見樓主又生氣又無奈。

他又貼出另一張圖片，可見他的媽媽把一碟未有包上保鮮紙的蘿蔔糕，直接放入雪櫃，在蘿蔔糕上面疊了一個碗。網民狠批媽媽「成日直接疊住啲嘢食，又唔用保鮮紙，碟底掂完枱面又掂下面既（嘅）食物」。另外，他也貼出一個電飯煲的圖片，直指「最忟係呢樣，有時煮完飯會浸水（易洗啲），然後放返落電飯煲蓋，幾日唔洗，幾日後我打開電飯煲發現有陣酸臭味....」

樓主指媽媽近日又有「新招式」，就是當他說家裡有曱甴，叫媽媽不要再直接放食物在枱面，要包保鮮紙，媽媽竟然懶得「直接將半個橙向下放」，即橙肉向碗底。

不少網民看過帖子後都紛紛留言，有人指樓主的媽媽簡直是「極品」，亦有人指「樓主仲未死算唔算係奇跡」。有網民則分享自己媽媽的恐怖事迹，指「家母除咗中曬之外，仲有好多，極多嘅雜物，好多放到有蟲嘅食物，過期嘅產品，以年嚟計」、「試過搽完白花油無洗手就咁洗米煮飯，一食成陣白花油味」。

（連登討論區）