不滿客貨車司機無搬行李　港媽鬧足全程　司機：幫係義務唔係奉旨

每個行業都有不為人知的辛酸，對從事服務業的打工仔來說，遇到無理顧客相信會十分「氣頂」。近年電召汽車服務盛行，但業界有共識是司機可選擇是否提供搬運服務，而且需額外收費，但有客貨車司機於facebook發文，指早前在機場接載一對母女往藍田，港媽怪責司機沒有幫忙搬行李，雖然司機已解釋其職責不包括搬行李，但仍義務幫對方搬行李上車。詎料港媽於整段車程不停責罵司機，又致電電召中心投訴，嚇得同車少女都哭了。最終樓主將母女送至目的地，但竟再被港媽來電騷擾1小時。
帖文附上影片，顯示了雙方對話，隨即被網民瘋傳，不少人讚樓主「EQ高」，耐心向對方解釋司機的責任，更多人批評該名港媽不懂尊重別人，「畀我已經掉咗佢落車」。

下載「香港01」App ，即睇城中熱話：https://hk01.app.link/l7U1Y7t5LO

任職客貨車司機的男子於上月底在fb群組「小心駕駛（討論別人駕駛態度）」發文，指早前接到機場往藍田的訂單，當時約晚上10時許，正下着大雨，樓主稱事前已教女客人前往上落貨區，抵達時亦預先打開車門等待對方。當母女客人到達時，港媽一人推着行李車，其女兒則要求先上車。

港媽將行李車推至客貨車車尾時，即責怪樓主：「嘩，你見到個女人仔推住咁多嘢都唔幫手？」樓主大感無奈，只好解釋協助上落行李並非客貨車司機責任，自己只是義務幫忙，其後仍幫港媽將行李搬上車。

港媽上車後仍然感到不滿，儘管樓主再次解釋協助搬行李僅是司機義務，但港媽仍喋喋不休，重覆指「一個女人」帶着女兒及兩件行李，批評樓主未有主動幫忙是沒有同理心。樓主忍不住反擊：「女人唔係大晒㗎，我夠係男人啦。」雖然女兒不斷在旁勸說「算啦、算啦」，樓主亦指「我無打算同你嘈」，但港媽未有罷休，更一度怒斥：「收聲啦，司機就揸你架車啦。」

港媽之後詢問樓主車牌號碼，並致電電召中心投訴，其間樓主稱「我都未X見過咁X麻煩嘅人」，港媽亦即時反駁「都未見過咁無品嘅人」。她之後向電召中心職員指樓主無主動替她搬行李，亦指樓主態度差及後座無配置安全帶，要求對方安排另一客貨車接載，言語間她曾提及：「係咪要我上網、報警去話畀人聽呀？我搭的士都係差唔多價錢，我以後唔搭呢啲咁唔安全嘅車，真係叫的士好過。」而駕駛中的樓主則未有理會，僅稱「有咩叫公司打畀我」。

樓主寫出事件過程，再附有車內錄音的「車cam」片段上載至fb群組，稱涉事港媽於車程曾提及「自己老公開律師樓」，並稱要投訴他「人格有問題、部車中排冇安全帶唔安全」等，令其女兒在車上哭了出來。他於帖文表示，「一個大人為咗要人哋幫你拎啲行李，嘈到自己個小朋友喊，為咩呢」，又批評對方「要人幫你嘅時候，你嘅語氣態度係點？」。

樓主稱，車程途中電召中心曾向他查詢事件詳情，他曾要求於最近地方讓母女下車，再由公司安排另一客貨車接載，惟對方稱「未去到目的地我唔會比錢，一係就去警署，去青衣想乞我兩百幾啊，我唔會比㗎」。樓主最終決定將母女送至目的地，當時港媽的女兒已不斷哭泣，但樓主稱港媽於車上「係咁話我，話唔使驚呢啲人啊，乞兒啊，唉好多好難聽嘅說話」。

樓主表示，到達目的地時，他亦有幫港媽搬行李下車，而對方則「拎電話出嚟拍片」。事件令他相當憤怒，「我唔係睇在個小朋友面前，我一早就係北大嶼山公路擺低你」。他更指訂單完成後，港媽曾致電騷擾他，「做完之後你仲要打嚟騷擾我，我唔知你咩居心，呢個世界你尊重人，人尊重你」。

不少網民稱讚樓主「EQ高」，面對無禮貌的客人仍能耐心向對方解釋司機的責任，「畀我已經掉咗佢落車」；亦有人批評該名港媽「咁嘅態度教壞個女」。

（fb群組「小心駕駛（討論別人駕駛態度）」）