【閃盲眼】銀髮夫婦拖實過馬路　超sweet對話冧爆網民

幾多對持續愛到幾多歲？「白頭到老」說得輕易，但真正做到「執子之手、與子偕老」卻絕不容易。近日有網民在街頭捕捉到一對銀髮夫婦過馬路時，手拖手捉實對方的恩愛畫面，伯伯更叮囑太太「行好啲，唔好仆親」，婆婆則甜到漏回應「咁你拖實我啦，長氣」，引來大批網民激讚「閃盲眼」！

下載「香港01」App ，即睇城中熱話：https://hk01.app.link/l7U1Y7t5LO

該網民今日在facebook群組「巴打絲打 Facebook Club」上載照片，只見一對銀髮夫婦拖實過馬路，伯伯周圍望附近有沒有車駛過，相當細心，而婆婆亦拖實丈夫，信任對方帶她安全過馬路。貼相的網民表示，當時無意聽到兩老的甜蜜對話，伯伯叮囑旁邊的太太小心走路，「唔好仆親」；婆婆則冧爆回應「咁你拖實我啦，長氣」，對話令他非常感動，不禁祝福這對銀髮夫婦「健健康康，幸福快樂」。

恩愛放閃的照贏得大批網民掌聲，認為非常難得遇到生命中的另一半，可以牽手到老，「真係羨煞旁人」；亦有人稱有時在街上見到年老夫婦「仲會手拖手，兩個慢慢咁行，真係勁sweet」，希望自己跟另一半也可以有這一天。不過，有網民提醒幾溫馨都好，「都要提提佢哋用行人過路設施」，免得遇上失魂司機發生意外。

（fb群組「巴打絲打 Facebook Club」）