【土地大辯論】供樓定租樓好？　連登仔：儲首期麻醉自己根本係懶

為期5個月的「土地大辯論」諮詢已於4月底展開，土地供應專責小組提出18項的建議，巿民可就建議提出意見。現時樓價高企，雖然市場上不乏高追的買家，但亦有市民擔心樓價隨時大跌，只好租樓暫住。租樓還是買樓，是香港人經常討論的問題，有連登仔在討論區上發文，指比較租樓和買樓的問題「根本弱智」，因為選擇租和供的是兩班分別不同的人，他指有父幹但又要供樓的人十分愚蠢，但沒有父幹又勉強供樓的人亦同樣愚蠢。

下載「香港01」App ，即睇城中熱話：https://hk01.app.link/l7U1Y7t5LO

近日有網民在連登討論區上發文，指「供樓定租樓依樣比較題根本弱智」。他說有父幹的人自出生已經有樓，之後只需要再趁低價買樓，高價賣樓，便可以享受人生，相反沒有父幹的人連首期都未準備好，已經「無咗半條命」，就算可以成功買樓，樓價上升時「樓就得一間，賣咗佢唔通瞓街？」，而且最後很可能還沒有享受到買樓帶來的好處，人便已經去世。

樓主認為，如果決定不會養育子女，成家立室，根本沒有需要做樓奴。他指沒有錢的可以與父母同住，有錢的就租樓，因為即使再努力儲首期，人工亦無可能跟得上樓價升幅。因此他指，「儲首期只係你百無聊賴廢人生活的一個藉口，等你日日OT咩都唔諗做廢人」，只是因為不敢追求自己想要的東西，所以才以儲首期麻醉懶散的自己。樓主直斥，所謂儲首期是上進的行為其實反智，應該被視為懶惰才對。

樓主說，即使成功儲到首期，「未使供已經捱到隻狗」，還要供大半世是「仲慘過隻狗，目的係咩？」，又即使成功將一層樓供完，去世之後其實只會成為遺產，由親戚瓜分，「做咩咁偉大呀？」，再即使供完樓之後未死，都已經人到中年，甚至是老年，「到時你人生有咩回憶同享受，成世人的回憶就係OT？」。

對於決定要買樓的人，樓主發出數項忠告，他認為除非：

「偉大到想用成世人青春去買樓供到死無子女再送比人」
「神科做0.01%專業人士捱到買樓，之後仲有十年壯年時間享受人生」
「有個正常女友肯承擔戀愛責任同你分一半，而你地兩個亦係專業人士」
「父幹，唔洗你供」
「有老婆有兩個仔女，準備入地獄mode」

否則在2018年的香港打算用一輩子的青春供樓是愚蠢的事，因為不論買到或是買不到樓，亦都已經輸了一輩子。樓主認為，供和租根本不能比較，因為選擇供和租的是兩班不同的人，「你有父幹仲要去租當然係蠢Ｘ啦，但你無父幹仲要去供，唔捱到成功果實（日）都行唔郁，唔係蠢Ｘ係咩呀」。

有網民認為如果沒有錢但有居住需要，「租係為勢所逼」，不過如果資金充足卻仍然不買樓，覺得可以在跌市中撈底反彈的人「係onX」。另外亦有人表示，如果不買入第一層樓，便沒有可能買到第二層樓，因此第一層樓升值之後，便可以轉按套現買第二層樓，再以第二層樓的租金供款，而自己則只需要繼續供第一層樓，批評「啲人永遠覺得買完第一層樓淨係可以用嚟自住，唔會諗啲錢點樣再滾錢」。

（連登討論區）