【網上熱話】讀理大、鋼琴高手　21歲美少女落地盤大讚「好有愛」

做地盤係責任定係愛？說起地盤工友，大家都會想起汗流浹背的、皮膚黝黑的大叔，但有網民昨日在facebook群組分享建造業議會的刊物《建築人．建築事》內容，戴着安全帽的大眼長髮少女，配上搶眼標題「美少女報到！做地盤係責任吖」。原來她是21歲理大學生Wingbi，近日到地盤實習，本身懂彈演奏級鋼琴，立志要做安全主任，更大讚地盤很有愛。

下載「香港01」App ，即睇城中熱話：https://hk01.app.link/l7U1Y7t5LO

網民大讚相中女生漂亮，但直斥用美少女去宣傳地盤工作非常離地，「掛羊頭賣狗肉廣告，明做show」。有人更分享自身的經歷，指做地盤根本要日曬雨淋，「曬一個月，睇你哋仲認唔認得出係佢」。

有網民昨日於fb群組「‎巴打絲打 Facebook Club」發帖，指相中女大學生「好似唔錯！」原來該篇報道刊登於今年7月出版的建造業議會刊物《建築人．建築事》，訪問了正在寶嘉建築實習的21歲大學生Wingbi，她是香港理工大學環境及職業安全與健康課程三年級學生。

報道以「美少女落地盤」的角度切入，指出Wingbi雖然跟地盤「大纜都扯唔埋」，但她仍努力嘗試挑戰地盤工作，並大讚地盤的師傅很友善，閒時大家會一起吃下午茶聊天，會互相提醒工作安全，大呼「地盤真係好有愛！」報道又刊登了Wingbi的生活照，形容指她是「女神」、「好有仙氣」，鋼琴造詣更達到演奏級。

惟有網民對於此篇報道角度表示懷疑，「（女仔）一係QS、一係環保、一係安全，好少會做前線」、「佢係做安全主任，根本唔係去做地盤，只可以話係一個地盤的文職，地盤的粗重野係無佢份……」，質疑Wingbi不用落地盤，未必能感受到做地盤的辛酸。更有網民推測，「我覺得佢未必做得耐，地盤太熱，唔做都一身汗，唔好諗住化妝返工」，認為Wingbi如果有機會落地盤的話，亦捱不了多久。

雖然網民對Wingbi是否需要落地盤存疑，但都大讚她漂亮，又形容她有點像青年新政的游蕙禎。另有網民指現時已有很多後生女投身建築行業，覺得標籤後生女「唔捱得」、「做花瓶」對她們十分不公平，「做咩成日要標榜樣貌，關職業安全咩事？」，質疑這個報道不切實際。

（fb群組「‎巴打絲打 Facebook Club」）